Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
2. oktober 1992Nr. 139
Kunngerð um skyldu hjá læknum og tannlæknum at siga Arbeiðseftirlitinum frá vinnusjúkum
Við heimild í § 33, stk. 3 í løgtingslóg nr. 58 frá 24. mai 1974 um arbeiðaravernd, sum seinast broytt við løgtingslóg nr. 44 frá 5. mai 1987 hevur landsstýrið fyrisett:
§ 1. Læknar og tannlæknar, sum í yrki sínum staðfesta ella fáa illgruna um, at fólk hava fingið heilsubrek av arbeiði, skulu boða Arbeiðseftirlitinum frá hesum.
§ 2. Skyldan at boða frá dettur burtur, um læknin ella tannlæknin hava tryggjað sær, at starvsfelagi hevur sagt frá tí sama.
§ 3. Fráboðanin verður send Arbeiðseftirlitinum beinanvegin, tá læknin ella tannlæknin staðfestir ella fær illgruna um, at heilsubrek kann verða elvt av arbeiði.
§ 4. Brot á hesa kunngerð verða sektað eftir § 40 í lógini.
§ 5. Henda kunngerð fær gildi dagin eftir, at hon er kunngjørd.
