1. juni 2023Nr. 74
Løgtingslóg um broyting í løgtingslóg um fólkakirkjuna í Føroyum
(Heimild at býta upp embætisuppgávur millum próstar)
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 60 frá 7. juni 2007 um fólkakirkjuna í Føroyum verður aftan á § 5 sett:
“§ 5 a. Landsstýrismaðurin kann eftir tilmæli Stiftsstjórnarinnar gera av, at tveir próstar skulu vera í sama próstadømi. Landsstýrismaðurin lutar tá, eftir tilmæli biskups, embætisskyldurnar próstanna millum og ger av, hvør teirra er limur í Próstadømisráðnum.”
§ 2
Henda løgtingslóg kemur í gildi dagin eftir, at hon er kunngjørd.
Í Tinganesi, 1. juni 2023
Aksel V. Johannesen (sign.)
løgmaður
Lm. nr. 87/2022