Løgtingslóg nr. 48 frá 29. mai 2024 um broyting í løgtingslóg um ferðslu

29. mai 2024Nr. 48

Løgtingslóg um broyting í løgtingslóg um ferðslu

(Nútímansgerð og nágreinan av orðaskiljingum, broyting í reglunum um handhildna teleútgerð og onnur handhildin samskiftistól, skeið um rúsdrekka og ferðslu verður víðkað til eisini at fevna um rúsevni, bann fyri nýtslu av øðrum lítlum motordrivnum akførum á øki, har ferðslulógin er galdandi, viðvirkan av dómsmonnum o.a.)

Samsvarandi samtykt Løgtingsins staðfestir og kunnger løgmaður hesa løgtingslóg:

§ 1

Í løgtingslóg um ferðslu, sbrt. løgtingslógarkunngerð nr. 14 frá 2. mars 1988, sum seinast broytt við § 30 í løgtingslóg nr. 31 frá 17. mars 2022, verða gjørdar hesar broytingar:

1.    Sum stytt heiti á løgtingslógini verður sett:

“(Ferðslulógin)”

2.    § 2, stórt rómartal III, litra C verður orðað soleiðis:

“C. Motoramboð: Motordrivið akfar, sum í høvuðsheitum er útgjørt sum arbeiðsamboð og gjørt til at koyra í mesta lagi 40 km/t. Motordrivið akfar, sum er ætlað at skula stýrast av persóni til gongu, er eisini at skilja sum motoramboð.”

3.    Í § 2, stórt rómartal V, verður í øðrum reglubroti orðið “(pocketbike)” strikað.

4.    Í § 2, stórt rómartal V, verður sum triðja reglubrot sett:

“Annað lítið motordrivið akfar: Motordrivið akfar á einum hjóli ella fleiri hjólum, sum hevur stødd, tilgerð ella útgerð, ið forðar akfarinum at verða góðkent til skráseting.”

5.    Í § 13 verður sum stk. 5 sett:

“Stk. 5. Eftirlit hjá løgregluni sambært hesi løgtingslóg kann verða framt við beinleiðis atgongd til elektroniskar upplýsingar í koyrikortskránni, sum er grundarlag undir eftirlitinum.”

6.    Yvirskriftin yvir § 16 b verður orðað soleiðis:

“Nýtsla av handhildnari teleútgerð og øðrum handhildnum samskiftistólum”

7.    § 16 b verður orðað soleiðis:

“§ 16 b. Førari av akfari má ikki, meðan hann koyrir, nýta handhildna teleútgerð og onnur handhildin samskiftistól, sbr. tó stk. 2-4.

Stk. 2. Ásetingarnar í stk. 1 eru ikki galdandi fyri nýtsluna av handhildnari mikrofon, sum hevur samband við samskiftisútgerð hjá løgregluni, um nýtslan er neyðug orsakað av arbeiðsuppgávum hjá løgregluni.

Stk. 3. Ásetingarnar í stk. 1 eru ikki galdandi fyri nýtslu av handhildnari mikrofon, sum hevur samband við ísetta teleútgerð í akførum hjá tilbúgvingunum, bjargingarliðunum, sjúkraflutningstænastunum ella vegamyndugleikunum, um nýtslan er neyðug orsakað av arbeiðsuppgávum hjá eindunum. Sama er galdandi fyri nýtsluna hjá vinnuførarum av handhildnari mikrofon, sum hevur samband við ísetta teleútgerð í akfarinum, um nýtslan er neyðug orsakað av vinnuligum flutningi.

Stk. 4. Ásetingarnar í stk. 1 eru ikki galdandi fyri nýtsluna av handhildnari mikrofon hjá koyrilærarum og próvdómarum, um nýtslan er neyðug fyri koyrifrálæruna og próvdømingina til lítið prutl, stórt prutl, motorsúkklu, traktor ella motoramboð.”

8.    Í § 18 c, stk. 3, 2. pkt. verður “rúsdrekka og ferðslu (R/F-skeiði)” broytt til: “rúsdrekka, rúsevni og ferðslu, RRF-skeiði”.

9.    § 18 c, stk. 3, 6. pkt. verður orðað soleiðis:

“Hóast ein koyriroynd er staðin, skal hin dømdi hava luttikið á skeiði um rúsdrekka, rúsevni og ferðslu, RRF-skeiði.”

10.  Í § 18 c, stk. 5 verður “R/F-skeiðunum” broytt til: “skeiði um rúsdrekka, rúsevni og ferðslu, RRF-skeiði”.

11.  Í § 18 d, stk. 2 verður “R/F-skeiði” broytt til: “skeiði um rúsdrekka, rúsevni og ferðslu, RRF-skeiði”.

12.  Í § 18 d, stk. 4 verður “R/F-skeið” broytt til: “skeið um rúsdrekka, rúsevni og ferðslu, RRF-skeiði”.

13.  Í § 58 a, stk. 1, nr. 1 verður aftan á “§ 60 a” sett: “, § 60 b”.

14.  Í § 58 a, stk. 2 verður aftan á “§ 16, stk. 4 og 5” sett: “, § 16 b, stk. 1”.

15.  Í § 58 a, stk. 2 verður “§§ 36, stk. 1-3” broytt til: “§ 36, stk. 1-4”.

16.  Í § 58 a verður sum stk. 13 sett:

“Stk. 13. Fyri brot á § 60 b, stk. 1, verður ein herd sekt áløgd eigara ella útleigara av øðrum lítlum motordrivnum akførum.”

17.  § 58 f verður orðað soleiðis:

“§ 58 f. Mál um brot eftir løgtingslógini verða viðgjørd sbrt. kapitlunum 91-93 og 95 í retsplejelov for Færøerne, uttan so at málið kann verða avgjørt við samtykki eftir § 58 g. Ásetingarnar í § 947, stk. 1 í retsplejelov for Færøerne verða ikki nýttar í málum um treytaða frádøming av koyrirættinum.

Stk. 2. Dómsmenn viðvirka í málum, sbr. tó stk. 3:

1)    Har talan er um hægri revsing enn 6 mánaðir ella meira, ella

2)    har tað annars verður mett at hava serliga víðfevndan týdning fyri ákærda ella hevur serligan almennan áhuga.

Stk. 3. Hóast ásetingarnar í stk. 2, viðvirka dómsmenn ikki í málum, sum:

1)    Verða viðgjørd eftir ásetingunum í § 877 í retsplejelov for Færøerne,

2)    viðvíkja rúsdrekkakoyring, sbrt. § 16 í løgtingslógini,

3)    viðvíkja rúsevnakoyring, sbrt. § 15, stk. 1 í løgtingslógini,

4)    viðvíkja koyring uttan førararætt, sbrt. § 18, stk. 1, § 18 a, stk. 1, ella § 18, stk. 3 í løgtingslógini, ella

5)    viðvíkja koyring í frádømingartíðini, sbrt. § 58, stk. 5 í løgtingslógini.

Stk. 4. Almennur verji verður tilnevndur eftir ásetingunum í §§ 738 og 740 í retsplejelov for Færøerne. Um ákærdi biður um tað, verður ein almennur verji skikkaður av Føroya Rætti:

1)    Í málum har talan er um frádøming av koyrirættinum, koyriforboð ella frádøming av rættinum at koyra lítið prutl og har dómsmenn ikki viðvirka, og

2)    í málum um rúsdrekkakoyring, sbrt. § 16, ella rúsevnakoyring, sbrt. § 15, stk. 1 í løgtingslógini.

Stk. 5. Ákærdi verður vegleiddur um heimild til tilnevndan verja.”

18.  § 59 a, stk. 4, nr. 1 verður orðað soleiðis:

“1)  § 16 b, stk. 1, § 29 a, stk. 3, 1. pkt., § 29 a, stk. 4, § 29 b, stk. 2, § 29 d, stk. 1 og 2, § 31 a, stk. 1-3, § 31 b, stk. 1, § 31 d, stk. 1, § 31 e, § 42, stk. 4, § 42 a, stk. 6, § 42 b, stk. 4, 2. pkt., § 42 c, stk. 2 og § 43, stk. 4, 2. pkt.,”

19.  Í § 59 h, 2. pkt. verður “R/F-skeiði” broytt til: “skeiði um rúsdrekka, rúsevni og ferðslu, RRF-skeiði”.

20.  Yvirskriftin yvir § 60 a verður orðað soleiðis:

“Lítlar breytmotorsúkklur”

21.  Aftan á § 60 a, men áðrenn yvirskriftina yvir § 61, verður sett:

“Annað lítið motordrivið akfar

§ 60 b. Tað er bannað at nýta onnur lítil motordrivin akfør á øki, sum løgtingslógin fevnir um.

Stk. 2. Koyrir annað lítið motordrivið akfar á øki, sum løgtingslógin fevnir um, skal tað við brotinum nýtta akfar inndragast.

Stk. 3. Annars eru reglurnar um inndrátt í revsilógini galdandi.”

22.  Yvirskriftin yvir § 64 a verður orðað soleiðis:

“Skoðan og umsiting av akfarsskrá”

23.  § 64 a verða orðað soleiðis:

“§ 64 a. Fyri skoðan í sambandi við skráseting og góðkenning, ella góðkenning, verður goldið:

1)    Lastvognur, leguvognur, viðfestivognur, bulvognur ella bussur, tá akfarið hevur eina heildarvekt, ið er oman fyri 3.500 kg: kr. 650.

2)    Annað akfar: kr. 450.

Stk. 2. Fyri umskoðan verður, hóast ásetingarnar í stk. 1, goldið:

1)    Fyri akfør við heildarvekt, sum er í mesta lagi 3.500 kg: kr. 200.

2)    Fyri akfør við heildarvekt, sum er yvir 3.500 kg: kr. 350.

Stk. 3. Um ikki verður møtt til ásetta skoðan ella umskoðan, og ikki er boðað frá sama dag fyri ásettu skoðanina ella umskoðanina, skal eyka gjald verða goldið, ið er sama upphædd fyri árliga gjaldið fyri tíðarvissa skoðan og umsiting av akfarsskránni, sbrt. § 64 b, stk. 1. Hóast ásetingina í 1. pkt., skal ikki verða goldið, um fráveran er orsakað av sjúku, ella um aðrar heilt serligar umstøður gera seg galdandi.”

24.  § 64 b verður orðað soleiðis:

“§ 64 b. Fyri tíðarvissa skoðan og umsiting av akfarsskránni verður árliga goldið:

1)    Motorsúkkla og stórt prutl: kr. 250.

2)    Bilur við heildarvekt, sum í mesta lagi er 3.500 kg: kr. 350.

3)    Bilur við heildarvekt, sum er yvir 3.500 kg: kr. 450.

4)    Leguvognur, viðfestivognur ella bulvognur við heildarvekt, sum er yvir 750 kg, men í mesta lagi er 3.500 kg: kr. 350.

5)    Leguvognur, viðfestivognur ella bulvognur við heildarvekt, sum er yvir 3.500 kg: kr. 450.

6)    Lendisakfar: kr. 350.

Stk. 2. Fyri umskoðan verður, hóast ásetingarnar í stk. 1, goldið:

1)    Fyri akfør við heildarvekt, sum er í mesta lagi 3.500 kg: kr. 200.

2)    Fyri akfør við heildarvekt, sum er yvir 3.500 kg: kr. 350.

Stk. 3. Um ikki verður møtt til ásetta skoðan ella umskoðan, og ikki er boðað frá sama dag fyri ásettu skoðanina ella umskoðanina, skal eykagjald verða goldið, ið er sama upphædd fyri árliga gjaldið, sbrt. stk. 1. Hóast ásetingina í 1. pkt., skal ikki verða goldið, um fráveran er orsakað av sjúku, ella um aðrar heilt serligar umstøður gera seg galdandi.”

25.  § 64 c, stk. 3 og 4 verða orðað soleiðis:

“Stk. 3. Hóast stk. 1 og stk. 2 verður fyri umskoðan goldið:

1)    Fyri akfør við heildarvekt, sum er í mesta lagi 3.500 kg: kr. 200.

2)    Fyri akfør við heildarvekt, sum er yvir 3.500 kg: kr. 350.

Stk. 4. Um ikki verður møtt til ásetta skoðan ella umskoðan, og ikki er boðað frá sama dag fyri ásettu skoðanina ella umskoðanina, skal eykagjald verða goldið, ið er sama upphædd, sum gjaldið fyri umbidna skoðan, sbrt. stk. 1. Hóast ásetingina í 1. pkt., skal ikki verða goldið, um fráveran er orsakað av sjúku, ella um aðrar heilt serligar umstøður gera seg galdandi.”

26.  § 64 d, stk. 1 verður orðað soleiðis:

“Fyri endurrit av skrásetingarskjali ella skoðanarváttan verður goldið: kr. 150.”

§ 2

Henda løgtingslóg kemur í gildi dagin eftir, at hon er kunngjørd.

Í Tinganesi, 29. mai 2024

Aksel V. Johannesen (sign.)

løgmaður

Lm. nr. 81/2023