Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
20. desember 2017Nr. 168
Løgtingslóg um broyting í løgtingslóg um P/F Visit Faroe Islands
(Ferðavinnumenning og nýggj stuðulsskipan)
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1
Í løgtingslóg nr. 62 frá 15. mai 2014 um P/F Visit Faroe Islands verða gjørdar hesar broytingar:
1. Í § 2, stk. 1 verður aftan á “samskipa” sett: “, menna”.
2. § 7 verður orðað soleiðis:
“§ 7. P/F Visit Faroe Islands kann í samstarvi við kommunur, kunningarstovur og privat seta í verk menningarátøk í ferðavinnuni.
Stk. 2. Landsstýrismaðurin kann eftir umsókn veita menningarverkætlanum í ferðavinnuni fíggjarligan stuðul.
Stk. 3. Landsstýrismaðurin kann lata P/F Visit Faroe Islands umsita stuðulsskipanina.
Stk. 4. Landsstýrismaðurin kann áseta nærri reglur um stuðul sbrt. stk. 1 og 2.”
§ 2
Henda løgtingslóg kemur í gildi dagin eftir, at hon er kunngjørd.
Í Tinganesi, 20. desember 2017
Aksel V. Johannesen (sign.)
løgmaður
Lm. nr. 64/2017
