13. september 2022Nr. 126
Løgtingslóg um heimild at taka ímóti peningaupphædd frá Novo Nordisk Fonden
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1. Landsstýrismanninum verður heimilað at taka ímóti 121 mió. kr. frá Novo Nordisk Fonden. Upphæddin verður brúkt í tíðarskeiðinum 1. januar 2023 til 31. desember 2032 til at fíggja rakstur og løgur í samstarvinum partanna millum um átøk innan viðgerð, tvørgeiraligt samstarv og gransking innan diabetes og endokrinologiskar sjúkur annars. Upphæddin verður útgoldin árliga, sambært avtalu millum landsstýrið og Novo Nordisk Fonden.
§ 2. Henda løgtingslóg kemur í gildi dagin eftir, at hon er kunngjørd.
Í Tinganesi, 13. september 2022
Bárður á Steig Nielsen (sign.)
løgmaður
Lm. nr. 1/2022