Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
12. august 2026Nr. 71
Kunngerð um broyting í kunngerð um útbúgving til heilsuhjálpara, heilsurøktara og námsfrøðiligan hjálpara
(Krav um, at næmingur skal standa allar yrkislærugreinar hvør sær, fyri at halda fram á næstu útbúgvingareind)
§ 1
Í kunngerð nr. 96 frá 2. juli 2019 um útbúgving til heilsuhjálpara, heilsurøktara og námsfrøðiligan hjálpara, sum broytt við kunngerð nr. 145 frá 25. august 2025, verður aftan á § 31 sett:
“§ 31 a. Næmingar, ið taka útbúgvingina til heilsurøktara sambært fleksleisti, byrja starvsvenjingina samstundis, sum teir taka ástøðiliga útbúgvingarpartin. Hesir næmingar skulu hava fingið í minsta lagi 02 í øllum yrkislærugreinunum hvør sær, og í teimum almennu lærugreinunum skal talmetið verða 02 í miðal, fyri at halda fram á næstu útbúgvingareind. Fleksleisturin er nágreinaður í námsskipan.”
§ 2
Henda kunngerð kemur í gildi dagin eftir, at hon er kunngjørd.
Mentamálaráðið, 12. august 2026
Bárður á Lakjuni (sign.)
landsstýrismaður
/ Poul Geert Hansen (sign.)
