Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
22. juni 2026Nr. 62
Kunngerð um at veita næmingastudning til fólkaháskúlar
Við heimild í § 5 í løgtingslóg nr. 101 frá 1. desember 1978 um studning til fólkaháskúlar, sum broytt við § 2 í løgtingslóg nr. 67 frá 20. mai 1996, verður ásett:
§ 1. Næmingastudningur verður veittur fólkaháskúlunum sambært § 3 av tí upphædd, sum á hvørjum ári verður sett av á løgtingsfíggjarlógini til hetta endamál, undir játtanini til fólkaháskúlar.
§ 2. Næmingastudningurin verður goldin fólkaháskúlunum eftir umsókn frá skúlunum. Næmingar, sum søkt verður um studning til, skulu undirskriva umsóknina.
§ 3. Næmingastudningurin er eins fyri allar næmingar skúlans. Studningurin kann í mesta lagi verða kr. 100,00 um dagin. Um játtanin á løgtingsfíggjarlógini ikki røkkur, verður studningurin lækkaður samsvarandi.
§ 4. Henda kunngerð kemur í gildi dagin eftir, at hon er kunngjørd.
Mentamálaráðið, 22. juni 2026
Bárður á Lakjuni (sign.)
landsstýrismaður
/ Poul Geert Hansen (sign.)
