14. mars 2023Nr. 34
Kunngerð um broyting í kunngerð um lærusáttmálar, umsitingargjald o.a.
(Áseting um, at Yrkisdepilin innskrivar lærling í skúla)
§ 1
Í kunngerð nr. 99 frá 12. juli 2011 um lærusáttmálar, umsitingargjald o.a., verða gjørdar hesar broytingar:
1. Inngangurin verður orðaður soleiðis:
“Við heimild í § 22, stk. 10 og § 31, stk. 3 í løgtingslóg nr. 94 frá 29. desember 1998 um yvkisútbúgvingar, sum broytt við løgtingslóg nr. 52 frá 17. mai 2011, verður ásett:”
2. § 1 verður orðað soleiðis:
“§ 1. Yrkisdepilin, sum fyrisitur ráðsskipanina hjá Yrkisútbúgvingarráðnum, veitir sáttmálapørtunum hjálp og ráðgeving í sambandi við, at lærusáttmáli verður undirskrivaður.”
3. § 5, stk. 3 verður orðað soleiðis:
“Stk. 3. Tá ið Yrkisdepilin hevur góðkent lærusáttmálan, innskrivar Yrkisdepilin lærlingin til góðkendan yrkisskúla.”
§ 2
Henda kunngerð kemur í gildi dagin eftir, at hon er kunngjørd.
Barna- og útbúgvingarmálaráðið, 14. mars 2023
Djóni Nolsøe Joensen (sign.)
landsstýrismaður
/ Poul Geert Hansen (sign.)