Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
15. desember 1993Nr. 199
Kunngerð um gjald fyri avrit og fotoavrit eftir fyrisitingarlógini
Við heimild í § 16, stk. 3 í løgtingslóg nr. 132 frá 10. juni 1993 um fyrisiting hevur landsstýrið fyrisett:
§ 1. Gjald verður ikki kravt fyri fyrsta eintakið av einum avriti ella fotoavriti av einum skjali, ið sambært § 9 í fyrisitingarlógini verður latið partinum í viðkomandi máli.
§ 2. Verður biðið um avrit ella fotoavrit umframt fyrsta eintakið av skjølunum í einum máli, ið verða latin eftir áheitan sambært fyrisitingarlógini, krevur viðkomandi myndugleiki fyri hesi 20 kr. fyri fyrstu síðuna og 1 kr. fyri hvørja byrjaða næstu síðu av skjølunum í málinum.
§ 3. Um tað við lóg ella sambært lóg er ásett hægri gjald fyri avrit ella fotoavrit av einum ávísum skjali, verður tað gjaldið kravt.
§ 4. Gjald fyri avrit og fotoavrit fær viðkomandi myndugleiki.
§ 5. Henda kunngerð fær gildi 1. januar 1993.
