Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
3. februar 2026Nr. 14
Kunngerð um broyting í kunngerð um lestrarstuðul
(At áseta skráseting sambært Landsfólkayvirlitinum sum treyt fyri hægra lestrarstuðlinum til lesandi á miðnámsútbúgvingunum, pørtum av miðnámsútbúgvingum ella útbúgvingum á framhaldsdeildarstigi, sum búgva til leigu, tó ikki fyri forsyrgjarar)
§ 1
Í kunngerð nr. 107 frá 25. august 2011 um lestrarstuðul, sum seinast broytt við kunngerð nr. 157 frá 15. oktober 2025, verður § 3, stk. 7 orðað soleiðis:
“Stk. 7. Lesandi, ið býr á sama matrikli sum foreldur ella verji, verður roknaður at búgva heima. Studni leggur í útgangsstøðinum skrásetta bústaðin sambært Landsfólkayvirlitinum og almennar upplýsingar um matriklar til grundar í hesum sambandi. Tó kann Studni leggja veruliga bústaðin hjá lesandi, foreldrum ella verja til grundar, um hesin verður mettur at vera ein annar enn tann, ið er skrásettur í Landsfólkayvirlitinum.”
§ 2
Henda kunngerð kemur í gildi dagin eftir, at hon er kunngjørd.
Barna- og útbúgvingarmálaráðið, 3. februar 2026
Djóni Nolsøe Joensen (sign.)
landsstýrismaður
/ Poul Geert Hansen (sign.)
