Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.
Skrivar tú ?trygging verður leitað eftir orðum sum t.d. lívstrygging og lívstryggingar.
Skrivar tú ”trygging” verður einans leitað eftir júst hesum sniðnum av orðinum.
15. juli 2022Nr. 111
Kunngerð um veiðigjald á makreli, norðhavssild og svartkjafti 1. august 2022 til 31. juli 2023
Við heimild í § 5, stk. 2 í løgtingslóg nr. 77 frá 5. mai 2021 um veiðigjøld fyri fiskiskap (Veiðigjaldslógin) verður ásett:
Skylda at rinda veiðigjald
§ 1. Eigari av fiskifari, undir føroyskum flaggi, sum veiðir av rættindum, Føroyar ráða yvir, skal í tíðarskeiðinum 1. august 2022 til 31. juli 2023 rinda veiðigjald av veiðu av makreli, norðhavssild og svartkjafti.
Stk. 2. Veiðigjaldið er:
1) 1,23 kr. fyri hvørt fiskað kilo í rundari vekt av makreli.
2) 0,89 kr. fyri hvørt fiskað kilo í rundari vekt av norðhavssild.
3) 0,31 kr. fyri hvørt fiskað kilo í rundari vekt av svartkjafti.
Stk. 3. Veiðigjaldið fer í landskassan.
§ 2. Henda kunngerð kemur í gildi 1. august 2022.
Fíggjarmálaráðið, 15. juli 2022
Uni Rasmussen (sign.)
landsstýrismaður
/ Djóni Højgaard (sign.)
