Company Logo
  • Skriva til netvørðin
  • Tín lógalisti
  • Enskt
  • Føroyskt
  • icon
  • Um lógasavnið
  • Fyrivarni
  • Slóðir
  • Kunngerðasavnið
  • Kunngerðaportalurin
  • Leita
  • Víðkað leiting
  • Sálda
 
Nullstilla
  • Øll rættarregluevni
    • 1. Stjórnar- og fyrisitingarrættur
      • Fløgg
      • Fíggjarspurningar landsins og landsgranskoðan
      • Grundlóg, Stjórnarskipan, Fólkatingið, ríkismyndugleikar o.tíl.
      • Hagtøl
      • Landsstýrið
      • Lóggáva
      • Løgtingið
      • Ríkisborgarararættur
      • Tíð
      • Tænastumenn o.tíl.
      • Verja
      • Yvirtøkuskipan
      • Fólkayvirlit
    • 2. Uttanríkisviðurskifti, fólkarættur og mannarættindi
      • Uttanríkisviðurskifti - avtalur, millum- og altjóða sáttmálar o.tíl.
      • Norðurlendskar avtalur og samstarv
      • Hernaðarviðurskifti
      • Mannarættindi o.tíl.
      • Handilssáttmálar
    • 3. Kommunalar lógir m.a. skattir, veðhald og ognartøka
    • 4. Útbúgvingar og undirvísing
      • Fyrisiting av undirvísingarverkinum
      • Fólkaskúlin, eftirskúlar, studentaskúlar og HF-Skeið o.tíl.
      • Yrkisútbúgvingar
      • Frítíðarundirvísing, há-, húsarhalds- og musikkskúlar
      • Skúlabókaútgáva, skúlabókasøvn og Nám
      • Hægri útbúgvingar og lærustovnar
      • Útbúgvingarstuðul
      • Onnur lóggáva
    • 5. Mentan
      • Søvn og friðing
      • Mál, skrivingarlag og bókaútgáva
      • Mentunarhús- og grunnar
    • 6. Kirkja
      • Fyrisiting og fíggjarviðurskifti fólkakirkjunnar
      • Halgidagar
      • Kirkjuligar gerðir
      • Kirkjur og kirkjugarðar
      • Kirkjulið og limaskapur
      • Starvsfólkaviðurskifti fólkakirkjunnar
    • 7. Almannaviðurskifti
      • Almannapensjónir o.l.
      • Barnastuðul, barnavernd o.l.
      • Forsorg og arbeiðsmarknaður
      • Vanlukkutrygging, heilsutrygd o.l.
      • Verkløg, bústaðarviðurskifti o.l.
      • Heiðursgávur, grunnar o.l.
      • Millumtjóða avtalur um sosiala trygd o.l.
      • Almannaviðurskifti annars
    • 8. Skattir o.tíl.
    • 9. Avgjøld og tollur
    • 10. Arbeiðsmarknaður
    • 11. Landbúnaður, djór og matvørur
    • 12. Byggi- og býarskipanir og umhvørvisvernd
      • Byggi og býarskipanir
      • Umhvørvisvernd, náttúrufriðing, tilbúgving o.tíl.
      • Vatnveiting og vatnburturveiting
    • 13. Fiskivinna, fiskaaling og veiða
      • Fiskiskapur
      • Fiskileiðir
      • Fiskiveiðieftirlit
      • Inn og útflutningur av fiski
      • Fíggjarviðurskifti fiskivinnurnar
      • Fiskaaling
      • Hvalaveiða
      • Fugla- og haruveiða
    • 14. Vegir, ferðsla og flutningur
      • Ferðsla
      • Flutningur
      • Flogferðsla
      • Ferjur og strandferðsla
      • Vegir og tunlar
      • Postur
    • 15. Byggi- og bústaðarlógir, verkløg o.l.
    • 16. Heilsulógir
      • Ymisk heilsulóggáva, miðstýri heilsuverksins o.a.
      • Heilsustarvsfólk
      • Sjúkrahúsverk o.tíl.
      • Heimarøkt, heilsutænasta uttanfyri sjúkrahúsini o.tíl.
      • Smittandi sjúkur o.l.
      • Misnýtsla og sjúkufyribygging
      • Apoteksverkið, heilivágur, heilsuskaðilig evni o.tíl.
      • Kanningar av børnum
      • Barnakonur
      • Sinnsibrek
    • 17. Rættargangur
      • Rættargangslóg o.tíl.
      • Millumtjóða ásetanir
      • Rættargjøld
      • Gerðarrættur
      • Fútarættarmál
      • Uppboð
      • Trotabúgv, gjaldssteðgur, tvingsilsskuldarsemja o.tíl.
      • Notarialskipan
    • 18. Revsilógir og løgreglan
      • Borgarlig revsilóg o.tíl.
      • Millumtjóða sakarmál
      • Løgreglan
      • Fongsulsverk
      • Pass og visa
      • Vápn, spreingievni og fýrverk
      • Sjónvarpseygleiðing o.l.
      • Funnið fæ
      • Hjálp til neyðstødd (druknaði)
      • Tatovering
    • 19. Útlendingar
    • 20. Fíggjarrættur
      • Avtalur
      • Keyp
      • Endurgjald
      • Skuld
      • Vekslar og kekkar
      • Fyrning og ógilding
      • Trygging
      • Upphavsrættur, einkarættur, vørumerki og mynstur
      • Myntir
      • Fíggjarstýring, peningastovnar, almennir fíggjarstovnar o.tíl.
      • Partafeløg, vinnurekandi grunnar o.tíl.
      • Felagsskráir
      • Sjólóg, sjóvinna, manning av skipum o.tíl.
      • Loðsur, sjóvegisreglur, bjarging o.tíl.
      • Skipasýn, skipauppmáling, skipaskráseting o.tíl.
      • Havdálking frá skipum
      • Havnir
      • Kavarar
      • Ognartøka, hevd, veð, lán, leiga, tinglýsing o.tíl.
      • Kortlegging, útskifting og matrikulering
    • 21. Vinnulívsrættur
      • Handil, bókføring og grannskoðan
      • Handverk, ídnaður og vinnustuðul o.tíl.
      • Marknaðarførsla, kapping, prísviðurskifti og gjaldoyra
      • Mát og vekt
      • Góðmálmur
      • Ráevni í undirgrundini
      • Ferðavinna
      • Fjar- og samskifti
      • Fjølmiðlar
      • Orka, ravmagn og tekniskar innleggingar
      • Spæl, innsavningar og stuttleiki
    • 22. Persónsupplýsingar
    • 23. Persóns-, familju- og arvarættur
      • Hjúnarlag
      • Børn
      • Løgræði
      • Innheinting av uppihaldspeningi
      • Millumtjóða viðurskifti viðv. hjúnaløgum, børnum og løgræði
      • Persónsnøvn
      • Skráir
      • Arvur og skifti
      • Horvin
  • Allir rættarreglubólkar
    • Løgtingslóg
    • Kunngerð
    • Fráboðan
    • Løgtingslógarkunngerð
    • Tingskipan
    • Rundskriv
    • Leiðbeining
    • Anordning
    • Anordningsbekendtgørelse
    • Lov
    • Lovbekendtgørelse
    • Bekendtgørelse
    • Lagtingslov
    • Kundgørelse
    • Forordning
    • Midlertidig bestemmelse
    • Kirkjulig fyriskipan
    • Norske Lov
    • Plakat
    • Politivedtægt
    • Cirkulære
  • Allar gildisstøður
    • Galdandi
    • Áður galdandi
    • Søgulig
    • Í koming
  • Øll ár
    • 2026
    • 2025
    • 2024
    • 2023
    • 2022
    • 2021
    • 2020
    • 2019
    • 2018
    • 2017
    • 2016
    • 2015
    • 2014
    • 2013
    • 2012
    • 2011
    • 2010
    • 2009
    • 2008
    • 2007
    • 2006
    • 2005
    • 2004
    • 2003
    • 2002
    • 2001
    • 2000
    • 1999
    • 1998
    • 1997
    • 1996
    • 1995
    • 1994
    • 1993
    • 1992
    • 1991
    • 1980-1989
    • 1970-1979
    • 1960-1969
    • 1950-1959
    • 1940-1949
    • 1930-1939
    • 1920-1929
    • 1910-1919
    • - 1900
  • Øll Felagsmál / Sermál
    • Felagsmál
    • Sermál
  • Allar útgávustøður
    • Broytingarrættarregla
    • Høvuðsrættarregla
  • Øll mál
    • Føroyskt
    • Danskt
  • Allir myndugleikar
    • Almanna- og bústaðamálaráðið
    • Fíggjarmálaráðið
    • Heilsu- og orkumálaráðið
    • Løgmansskrivstovan
    • Mentamálaráðið
    • Uttanríkis- og fiskimálaráðið
    • Vinnumálaráðið
    • Eingin
Tipp

Hent at vita, tá ið tú leitar í lógasavninum

Skrivar tú trygging verður eisini leitað eftir øðrum endingum av orðinum sum t.d. tryggingar og tryggingarvirksemi.

Skrivar tú ?trygging verður leitað eftir orðum sum t.d. lívstrygging og lívstryggingar.

Skrivar tú ”trygging” verður einans leitað eftir júst hesum sniðnum av orðinum.

Fleiri góð ráð

Kunngerð nr. 102 frá 11. november 2026 um fráboðanarskyldu hjá veitarum av kryptoognartænastum

11. november 2026Nr. 102

Kunngerð um fráboðanarskyldu hjá veitarum av kryptoognartænastum

  • Kapittul 1 Allýsingar
  • Kapittul 2 Fráboðanarskylda
  • Kapittul 3 Fráboðanarkrøv
  • Kapittul 4 Hóskandi umhugsni t.e. Due diligence
  • Kapittul 5 Revsireglur og gildiskoma

Við heimild í § 120 r og § 143 í løgtingslóg um landsskatt og kommunuskatt (Skattalógin), sbrt. løgtingslógarkunngerð nr. 109 frá 19. september 2023, sum broytt við løgtingslóg nr. 54 frá 8. mai 1987 og løgtingslóg nr. 48 frá 29. mai 2026, verður ásett:

Kapittul 1

Allýsingar

§ 1. Heiti við stórum byrjunarbókstavum í hesi kunngerð skulu skiljast sambært teirri merking, tey hava í hesum kapitli.

Stk. 2. Eitt og hvørt annað hugtak, treytir, mannagongdir og aðrar reglur, sum eru ásettar í rammuni hjá OECD fyri fráboðan av kryptoognum, t.e. Crypto-Asset Reporting Framework, umframt viðmerkingunum, og sum ikki eru ásettar í hesi kunngerð, skulu tulkast og nýtast í samsvari við nevndu rammu.

Fráboðanarskyldug kryptoogn

§ 2. Kryptoogn merkir ein talgild lýsing av virði, sum byggir á kryptografiskt tryggjaða distributed-ledger tøkni ella aðra líknandi tøkni til at vátta og tryggja transaktiónir.

§ 3. Talgilt miðbankagjaldoyra merkir ein og hvør talgild útgáva av Fiatgjaldoyra, sum er givið út av Miðbanka.

§ 4. Miðbanki merkir ein stovnur, sum sambært lóg ella almennari góðkenning er hægsti myndugleiki, burtursæð frá stjórn landsins, og sum gevur út amboð, ið skulu setast í umferð sum gjaldoyra. Ein slíkur banki kann fevna um ein stovn, sum er sundurskildur frá stjórn landsins, uttan mun til um hann heilt ella lutvíst er ogn landsins.

§ 5. Fráboðanarskyldug Kryptoogn merkir ein og hvør útgáva av Kryptoognum, sum ikki eru Talgild miðbankagjaldoyru, Elektroniskir pengar ella annað slag av Kryptoognum, har tann Fráboðanarskyldugi Veitarin av Kryptoognartænastum á nøktandi hátt hevur staðfest, at tey ikki kunnu nýtast til gjaldsendamál ella íløguendamál.

§ 6. Elektroniskir pengar ella E-pengar merkja ein og hvør Kryptoogn, sum:

1)   er eitt talgilt umboð fyri eitt einstakt Fiatgjaldoyra,

2)   er givið út við móttøku av pengum við tí endamáli at fremja gjaldsvirðurskifti,

3)   er umboðað við einum kravi til útgevaran í sama Fiatgjaldoyra,

4)   verður góðtikið sum gjald av einum øðrum likamligum ella løgfrøðiligum persóni enn útgevaranum, og

5)   í samsvari við tey lógarkrøv, sum útgevarin er fevndur av, kunnu innloysast til eina og hvørja tíð og til parivirði fyri sama Fiatgjaldoyra eftir áheitan frá eigaranum.

Stk. 2. Heitið Elektroniskir pengar ella E-pengar fevnir ikki um pengar, sum einans eru skaptir við tí endamáli at lætta um flyting av miðlum frá einum kunda til ein annan persón sambært boðum frá kundanum. Peningur er ikki skaptur einans við tí endamáli at lætta um flyting av miðlum, um tann peningur, sum er knýttir at slíkum miðlum, sum liður í vanliga vinnuvirkseminum hjá tí flytandi Eindini, verður varðveittir longur enn 60 dagar eftir at boð eru móttikin um at fremja flytingina, ella, um hesir miðlar, í tilfelli av manglandi boðum, verða varðveittir longur enn 60 dagar eftir móttøku av miðlunum.

Fráboðanarskyldugir Veitarar av Kryptoognartænastum

§ 7. Veitari av Kryptoognartænastum merkir ein likamligur persónur ella ein Eind, sum vinnuliga veitir eina ella fleiri Kryptoognartænastur til kundar.

§ 8. Fráboðanarskyldugur Veitari av Kryptoognartænastum merkir ein Veitari av Kryptoognartænastum, sum vinnuliga veitir eina tænastu, ið fremur Umbýtistiltøk fyri ella vegna kundar, undir hesum við at virka sum mótpartur ella millummaður í slíkum Umbýtistiltøkum ella við at gera ein handilspall tøkan.

§ 9. Kryptoognartænastur merkir tænastur og virksemi viðvíkjandi einari og hvørjari kryptoogn.

Fráboðanarskyldugur handil

§ 10. Fráboðanarskyldugur handil merkir eitt og hvørt umbýtistiltak og flutningur av Fráboðanarskyldugum Kryptoognum.

§ 11. Umbýtistiltak merkir eitt og hvørt umbýti millum Fráboðanarskyldugar Kryptoognir og Fiatgjaldoyru og eitt og hvørt umbýti millum eitt ella fleiri sløg av Fráboðanarskyldugum Kryptoognum.

§ 12. Fráboðanarskyldugt Smásølutiltak merkir flutningur av Fráboðanarskyldugum Kryptoognum sum viðurlag fyri vørur ella tænastur við einum virði upp á meira enn 50.000 USD ella samsvarandi upphædd í einum øðrum gjaldoyra.

§ 13. Flutningur merkir transaktiónir, har ein Fráboðanarskyldug Kryptoogn verður flutt frá ella til Kryptoognarbústaðin ella kontuna hjá einum Kryptoognarbrúkara, burtursæð frá einum bústaði ella kontu, sum verður førd av tí Fráboðanarskylduga Veitaranum av Kryptoognartænastum vegna sama Kryptoognarbrúkara, har tann Fráboðanarskyldugi Veitarin av Kryptoognartænastum, grundað á ta vitan, sum hann hevur, tá ið transaktiónin verður framd, ikki kann staðfesta, at transaktiónin er eitt Umbýtistiltak.

§ 14. Fiatgjaldoyra merkir eitt alment gjaldoyra í einum rættardømi, sum er givið út av einum rættardømi ella av einum Miðbanka ella monetærum myndugleika, sum er tilnevndur av rættardøminum, og sum er umboðað av fysiskum pengaseðlum ella myntum ella pengum í ymiskum talgildum formum, undir hesum bankareservum og Talgildum miðbankagjaldoyrum. Málberingin fevnir eisini um handilsbankapening og elektronisk pengaprodukt, undir hesum Elektroniskar pengar.

§ 15. Brúkari, sum fráboðast skal um merkir ein Kryptoognarbrúkari, sum er ein Persónur, sum fráboðast skal um.

§ 16. Kryptoognarbrúkari merkir ein likamligur persónur ella Eind, sum er kundi hjá einum Fráboðanarskyldugum Veitara av Kryptoognartænastum við tí endamáli at fremja Fráboðanarskyldugar Handlar.

Stk. 2. Ein likamligur persónur ella Eind, sum ikki er ein Fíggjarstovnur ella ein Fráboðanarskyldugur Veitari av Kryptoognartænastum, og sum virkar sum Kryptoognarbrúkari til gangs fyri ein annan likanligan persóns ella Einds rokning sum fulltrúi, depositar, umsitari, handilsfulltrúi. íløguráðgevi ella millummaður, verður ikki viðgjørdur sum Kryptoognarbrúkari. Hin likamligi persónurin ella Eindin verður viðgjørd sum Kryptoognarbrúkarin.

Stk. 3. Um ein Fráboðanarskyldugur Veitari av Kryptoognartænastum letur eina tænastu, har tað verður framt eitt Fráboðanarskyldugt Smásølutiltak fyri ella vegna ein handlandi, skal tann Fráboðanarskyldugi Veitarin av Kryptoognartænastum eisini viðgera kundan, sum er mótpartur í eini slíkum Fráboðanarskyldugum Smásølutiltaki, sum Kryptoognarbrúkari við atliti at tí Fráboðanarskylduga Smásølutiltakinum. 1. pkt. er einans galdandi í tann mun, tann Fráboðanarskyldugi Veitarin av Kryptoognartænastum er skyldugur til at kanna samleikan hjá einum slíkum kunda í sambandi við tað Fráboðanarskylduga Smásølutiltakið sambært galdandi reglum um hvítvask av peningi.

§ 17. Individuellur Kryptoognarbrúkari merkir ein Kryptoognarbrúkari, sum er ein likamligur persónur.

§ 18. Individuellur brúkari, sum longu er til merkir ein Individuellur Kryptoognarbrúkari, sum hevur skipað samband við tann Fráboðanarskylduga Veitaran av Kryptoognartænastum í seinasta lagi 31. desember 2025.

§ 19. Eind, sum er Kryptoognarbrúkari merkir ein Kryptoognarbrúkari, sum er ein Eind.

§ 20. Eind, sum longu er Kryptoognarbrúkari merkir ein Eind, sum er Kryptoognarbrúkari, og sum hevur stovnað samband við tann Fráboðanarskylduga Veitaran av Kryptoognartænastum í seinasta lagi 31. desember 2025.

§ 21. Persónur, sum fráboðast skal um merkir ein Persónur í einum Viðkomandi rættardømi, sum ikki er ein Undantikin Persónur.

§ 22. Viðkomandi rættardømi merkir eitt og hvørt rættardømi, sum Føroyar sambært avtalu ella fyriskipan, ið er í gildi, eru skyldugar at senda tær í kapittul 3 nevndu upplýsingar til viðvíkjandi Persónum, sum fráboðast skal um, og sum skattliga eru heimahoyrandi í hesum rættardømi, og sum er eyðmerkt sum slíkt á einum almannakunngjørdum lista á heimasíðuni hjá TAKS.

§ 23. Persónur í einum Viðkomandi rættardømi merkir ein Eind ella ein likamligur persónur, sum skattliga er heimahoyrandi í einum Viðkomandi rættardømi sambært skattalóggávuni í hesum rættardømi ella eitt búgv eftir deyðan persón, sum skattliga var heimahoyrandi í einum Viðkomandi rættardømi.

Stk. 2. Tá stk. 1 verður nýtt, skal ein Eind sum t.d. eitt íognarfelag, eitt kommanditfelag ella líknandi løgfrøðilig skipan, sum ikki hevur nakað skattligt heimstað viðgerast sum skattliga heimahoyrandi í tí rættardømi, har veruliga leiðslan er.

§ 24. Persónar við Ræði merkir likamligir persónar, sum hava ræði yvir einari Eind.

Stk. 2. Hvat trustum viðvíkur merkir heitið Persónar við Ræði stovnari ella stovnarar, umsitari ella umsitarar, verji ella verjar, tann ella tey njótunartilskilaðu ella klassi ella klassar av njótunartilskilaðum og ein ella fleiri aðrir likamligir persónar, sum í síðstu atløgu hava veruligt ræði á trustinum og hvat viðvíkur eini aðrari løgfrøðiligari skipan enn einum trusti merkir máliskan ein persónur í einum samsvarandi ella líknandi starvi.

Stk. 3. Máliskan Persónar við Ræði skal tulkast á ein hátt, sum samsvarar við máliskuna veruligur eigari og sum er í samsvari við tilmælini frá 2012 frá Financial Action Task Force sum dagførd í juni 2019 viðvíkjandi veitarum av talgildum ognum.

§ 25. Virkin Eind merkir ein Eind, sum lýkur eitt ella fleiri av fylgjandi eyðkennum:

1)   Minni enn 50% av bruttoinntøkuni hjá Eindini fyri undanfarna álmanakkaár ella annað viðkomandi fráboðanartíðarskeið er passiv inntøka, og minni enn 50% av ognunum hjá Eindini fyri undanfarna álmanakkaár ella annað viðkomandi fráboðanartíðarskeið eru ognir, sum skapa ella eru ognir, sum eru ætlaðar at skapa passivar inntøkur.

2)   So at siga allar ognirnar í Eindini eru heilt ella lutvíst partabrævaognir í, ella at veita fígging og tænastuveitingar til, eitt ella fleiri dótturfeløg, sum reka annan handil ella handilsvirksemi enn virksemi sum Fíggjarstovnur, burtursæð frá, at ein Eind ikki er skikkað til hesa støðu, um Eindin virkar sum ella lætst at vera ein íløgugrunnur, sum hevur til endamáls at keypa ella fíggja feløg og síðani eiga partabræv í hesum feløgum sum stovnsfæ til íløguendamál.

3)   Eindin rekur ikki enn handilsvirksemi og hevur onga fyrrverandi rakstrarsøgu, men setur pening í ognir við tí endamála at reka annað handilsvirksemi enn virksemi sum Fíggjarstovnur treytað av, at Eindin ikki hevur rætt til hetta undantak eftir tann dag, sum liggur 24 mánaðir eftir dagin fyri upprunaligu stovnanina av Eindini.

4)   Eindin hevur ikki verið ein Fíggjarstovnur seinastu fimm árini og er í ferð við at gera upp sínar ognir, ella er undir umskipan við tí endamáli at halda fram við ella taka upp aftur rakstur av øðrum handilsvirksemi enn virksemi sum Fíggjarstovnur.

5)   Eindin er í høvuðsheitum virkin við fígging og váðatrygging t.e. hedging fyri ella við Tilknýttum eindum, sum ikki eru Fíggjarstovnar, og ikki veita fígging ella váðatryggingartænastur til nakra Eind, sum ikki er ein Tilknýtt eind, treytað av at bólkurin av slíkum Tilknýttum eindum í høvuðsheitum rekur annað vinnuvirksemi enn virksemi sum Fíggjarstovnur.

6)   Eindin lýkur øll hesi krøv:

a)    Hon er stovnað og virkar í tí rættardømi, har hon hevur heimstað, einans til átrúnaðarlig, vælgerandi, vísindalig, listarlig, mentanarlig, ítróttarlig ella útbúgvingarlig endamál ella hon er stovnað og virkar í tí rættardømi, har hon hevur heimstað, og er ein fakligur felagsskapur, ein vinnuslívsfelagsskapur, eitt handilskamar, eitt fakfelag, ein landbúnaðarfelagsskapur ella urtagarðsfelagsskapur, ein borgarafelagsskapur ella ein felagsskapur, sum einans verður rikin til frama fyri almanna vælferð.

b)    Hon er frítikin fyri inntøkuskatt í tí rættardømi, har hon er heimahoyrandi.

c)    Hon hevur ongar partaeigarar ella limir, sum hava ognarviðurskifti ella rættarligan lut í tess inntøkum og ognum.

d)   Galdandi rættur í tí rættardømi, har Eindin er heimahoyrandi, ella stovningarskjøl Eindarinnar ikki loyva, at nakar partur av inntøku ella ognum Eindarinnar verður útgoldin ella nýttur til frama fyri ein einkultan persón ella eina ikki‑vælgerandi Eind, uttan tað, sum stendst av, at Eindin útinnir sítt vælgerandi virksemi, ella sum gjald fyri rímiliga løn fyri veittar tænastur, ella sum gjald, ið umboðar rímiligt marknaðarvirði av ogn ella lutum, sum Eindin hevur keypt.

e)    Galdandi rættur í tí landøki, har Eindin er heimahoyrandi, ella stovningarskjøl Eindarinnar krevja, at allar ognir Eindarinnar við likvidatión ella avtøku av Eindini skulu latast einari Almennari eind ella aðrari nonprofit fyriskipan, ella skulu falla til stjórnina í tí rættardømi, har Eindin er heimahoyrandi, ella einari politiskari undirdeild har.

Undantikin Persónur

§ 26. Undantikin Persónur merkir:

1)   ein Eind, har partabrøvini verða regluliga handlað á einum ella fleiri stovnaðum virðisbrævamarknaðum,

2)   ein Eind, sum er ein Tengd Eind til eina Eind, sum er lýst í nr. 1,

3)   ein Almenn eind,

4)   ein Altjóða felagsskapur,

5)   ein Miðbanki, ella

6)   ein Fíggjarstovnur, tó ikki ein Íløgueind, sum lýst í § 30, stk. 1, nr. 2.

§ 27. Fíggjarstovnur merkir ein Fyrisitingarstovnur, ein Innlánsstovnur, ein Íløgueind ella eitt Serskilt tryggingarfelag.

§ 28. Fyrisitingarstovnur t.e. Custodial Institution merkir ein Eind, ið sum ein týðandi part av sínum vinnuliga virksemi hevur fíggjarligar ognir í varðveitslu fyri onnur.

Stk. 2. Ein Eind hevur fíggjarligar ognir í varðveitslu fyri onnur sum ein týðandi part av sínum vinnuliga virksemi, um bruttoinntøkan hjá Eindini, sum kann setast í samband við at hava fíggjarligar ognir í varðveitslu og tær fíggjarligu tænastur, ið eru knýttar at hesum, svara til ella eru hægri enn 20% av bruttoinntøku Eindarinnar í tí stytstu av hesum tíðarskeiðum:

1)   trý ára tíðarskeiðið, sum endar 31. desember ella seinasta dagin í einum roknskaparári, sum ikki fylgir álmanakkaárinum undan tí árinum, har metingin verður gjørd, ella

2)   tað tíðarskeiðið, har Eindin hevur verið til.

§ 29. Innlánsstovnur t.e. Depository Institution merkir ein Eind, sum:

1)   tekur ímóti innlánum sum ein vanligur partur av bankavirksemi ella líknandi vinnuligum virksemi, ella

2)   goymir Elektroniskar pengar ella Talgildar miðbankapengar fyri kundarnar.

§ 30. Íløgueind t.e. Investment Entity merkir ein Eind:

1)   Ið sum part av sínum vinnuliga virksemi í høvuðsheitum útinnir eitt ella fleiri av virksemunum ella operatiónunum, sum eru nevnd í litra a-c fyri ella vegna ein kunda, ella nr. 2:

a)    Handil við peningamarknaðaramboðum t.d. kekkum, vekslum, innlánsskjølum, derivatum o.ø., gjaldoyraveksling, virðisbrævaamboðum, rentuamboðum og indeksamboðum, umsetiligum virðisbrøvum ella vøruframtíðarsáttmálum.

b)    Individuel og felags porteføljuforvaltning.

c)    Aðrir formar fyri íløgu, umsiting ella fyrisiting av Fíggjarligum ognum, pengum ella Fráboðanarskyldugum Kryptoognum, sum skulu fráboðast, vegna aðrar persónar.

2)   Hvørs bruttoinntøkan høvuðsheitum kann setast í samband við íløgu, enduríløgu ella handil við Fíggjarligum ognum ella Fráboðanarskyldugum Kryptoognum, um Eindin verður umsitin av aðrari Eind, sum er ein Innlánsstovnur, ein Fyrisitingarstovnur, eitt Serskilt tryggingarfelag ella ein Íløgueind, sum lýst í nr. 1.

Stk. 2. Ein Eind verður mett at virka í høvuðsheitum sum partur av vinnuligum virksemi við at fremja eina ella fleiri av teimum virkseminum, sum eru lýst í stk. 1, nr. 1, ella at Eindarinna bruttoinntøka í høvuðsheitum kann tilskrivast íløgum, enduríløgum ella handli við Fíggjarligum ognum ella Fráboðanarskyldugum Kryptoognum til endamálini, sum eru nevnd í stk. 1, nr. 2, um bruttoinntøkan hjá Eindini, sum kann setast í samband við viðkomandi virksemi, svarar til ella er hægri enn 50% av bruttoinntøkuni hjá Eindini í stytsta av hesum tíðarskeiðum:

1)   trý ára tíðarskeiðið, sum endar 31. desember árið fyri tað árið, har metingin verður gjørd, ella

2)   tað tíðarskeiðið, sum Eindin hevur verið til.

Stk. 3. Máliskan onnur sløg av íløgu, umsiting ella fyrisiting av Fíggjarligum ognum, pengum ella Fráboðanarskyldugum Kryptoognum vegna aðrar persónar í stk. 1, litra c, fevnir ikki um veiting av tænastum, har Umbýtistiltøk verða framd fyri ella vegna kundar.

Stk. 4. Máliskan Íløgueind fevnir ikki um eina Eind, sum er ein Virkin Eind, tí hon lýkur eina ella fleiri av treytunum í § 25, nr. 2-5.

Stk. 5. Stk. 1-4 skulu tulkast á ein hátt, sum er í samsvari við orðalagið í ásetingini fíggjarstovnur t.e. financial institution í tilmælunum frá Financial Action Task Force.

§ 31. Serskilt tryggingarfelag t.e. Specified Insurance Company merkir ein Eind, sum er eitt tryggingarfelag ella móðurfelag hjá einum tryggingarfelagi, sum útgevur ella er skyldugt at fremja útgjald viðvíkjandi eini Tryggingaravtalu við kontantvirði t.e. Cash Value Insurance Contract ella eini Annuitetsavtalu.

§ 32. Almenn eind merkir stjórn í einum rættardømi, ein politisk undirdeild av einum rættardømi, sum fevnir um ríki, landspart, øki ella kommunu, ella ein myndugleika ella annan stovn, sum er fult og heilt partur av einum rættardømi ella av einari ella fleiri av omanfyrinevndu Almennu eindunum. Henda bólking fevnir um integreraðar partar, stýrdar eindir og politiskar undirdeildir í einum rættardømi:

1)   Ein Integreraður partur av einum rættardømi merkir ein persónur, ein fyriskipan, ein myndugleiki, ein skrivstovu, ein grunnur, ein stovnur ella annað organ, uttan mun til heiti, sum myndar ein stýrandi myndugleika í einum rættardømi. Nettovinningurin hjá tí stýrandi myndugleikanum skal skrivast á hansara egnu konto ella aðrar kontur, sum hoyra til hetta rættardømið, uttan at nakar partur kemur einum privatpersóni til góðar. Ein integreraður partur fevnir ikki um ein likamligan persón, sum er ríkisleiðari, embætisfólk ella fyrisitari, sum virkar í privatum ella persónligum eginleika.

2)   Ein stýrd eind merkir eina Eind, sum í sínum skapi er sundurskild frá rættardøminum, ella sum á annan hátt er ein sjálvstøðug løgfrøðilig eind, við tí treyt, at:

a)    Eindin er fult og heilt ogn hjá og beinleiðis verður stýrd av einari ella fleiri Almennum eindum, ella gjøgnum eina ella fleiri stýrdar eindir,

b)    nettoinntøka Eindarinnar verður skrivað á hennara egnu konto ella kontur, sum hoyra til eina ella fleiri Almennar eindir, uttan at nakar partur av inntøkuni verður tillutaður einum privatpersóni, og

c)    ognir eindarinnar við avtøku t.e. likvidatión fara til eina ella fleiri Almennar eindir.

3)   Inntøka kemur ikki privatpersónum til góðar, um hesir persónar eru ætlaðir móttakarar av einum almennum programmi, og virksemi í programminum verður útint fyri almenningin í almennum áhuga ella hevur við fyrisitingina av einum almennum átaki at gera. Hóast 1. pkt. verður inntøka kortini mett at koma privatpersónum til góðar, um hon stavar frá nýtsluni av eini almennari eind til at fremja vinnuligt virksemi, so sum vinnuligt bankavirksemi, ið veitir fíggjartænastur til privatpersónar.

§ 33. Altjóða felagsskapur merkir ein altjóða felagsskapur ella ein myndugleiki ella stovnur, sum fult og heilt er ogn hjá hesum. Henda flokking fevnir um ein og hvønn millumtjóða felagsskap íroknað ein yvirstatligan felagsskap:

1)   sum í høvuðsheitum er samansettur av stjórnum,

2)   sum í verki hevur eina heimstaðarsamtykt ella eina í øllum týdningi samsvarandi avtalu við rættardømið, og

3)   har inntøkan ikki kemur privatpersónum til góðar.

§ 34. Hugtakið Fíggjarlig ogn fevnir um:

1)   Virðisbrøv, so sum partabrøv í einum partafelagi, lutir ella eigarapartir í einum felagsskapi við víðkaðum eigaraskara ella sum er børsskrásettur, ella ein trustur, lánsskjøl, skuldarbrøv ella samsvarandi skuldarprógv.

2)   Lutir í einum íognarfelagsskapi, rávørur, swaps so sum rentuswaps, gjaldoyraswaps, basisswaps, rentuloft, rentugólv, rávøruswaps, partabrævaswaps, partaindeksswaps og líknandi sáttmálar.

3)   Tryggingaravtalur ella Annuitetsavtalur.

4)   Lutir íroknað futuressáttmáli, terminssáttmáli ella option í virðisbrøvum, Fráboðanarskyldugum Kryptoognum, felagsskapum, rávørum, swaps, tryggingaravtalum ella Annuitetsavtalum.

Stk. 2. Fíggjarlig ogn fevnir ikki um ein lut í fastari ogn, sum ikki er skuldarbundin.

§ 35. Partur í eginpeningi merkir, tá ið talan er um eitt íognarfelag, sum er ein Fíggjarstovnur, antin partur í fæi ella partur í avlopinum í íognarfelagnum.

Stk. 2. Tá ið talan er um ein trust, sum er ein Fíggjarstovnur, verður ein Partur í eginpeningi roknaður at verða áogn hjá einum persóni, sum verður viðgjørdur sum stovnari ella rættindahavari í øllum ella einum parti av trustinum, ella hjá øðrum likamligum persóni, sum hevur endaligt og virkið ræðið á trustinum. Ein Persónur, sum fráboðast skal um, hevur rætt til beinleiðis ella óbeinleiðis at verða viðgjørdur sum rættindahavari í einum trusti, um hesin Persónur, sum fráboðast skal um, hevur rætt til beinleiðis ella óbeinleiðis til dømis gjøgnum ein umsitara at móttaka eina skylduga útgjalding, ella beinleiðis ella óbeinleiðis kann móttaka eina metta útgjalding úr trustinum.

§ 36. Tryggingaravtala merkir ein avtala burtursæð frá eini Annuitetsavtalu, sambært hvørjari útgevarin játtar at rinda eina ávísa upphædd fyri ávísa hending, sum fevnir um váða tengdan at deyða, sjúku, vanlukku, ábyrgd ella ogn.

§ 37. Annuitetsavtala merkir ein avtalu, sambært hvørjari útgevarin játtar at fremja útgjald í eitt tíðarskeið, ið heilt ella partvís verður ásett við atliti at væntaðu livitíðini hjá einum ella fleiri likamligum persónum.

Stk. 2. Heitið Annuitetsavtala fevnir eisini um eina avtalu, ið verður roknað sum ein Annuitetsavtala sambært lóg, kunngerð ella siðvenju í tí rættardømi, har avtalan er útgivin, og sambært hvørjari útgevarin játtar at fremja útgjøld í fleiri ár.

§ 38. Tryggingaravtala við kontantvirði merkir ein Tryggingaravtalu burtursæð frá endurtryggingaravtalu fyri aftursókn millum tvey tryggingarfeløg, sum hevur eitt Kontantvirði.

§ 39. Kontantvirði merkir hægsta av hesum báðum upphæddunum:

1)   upphæddin, sum tryggingartakarin hevur rætt til at fáa við uppsøgn ella við avtalulok ásett uttan niðurskurð vegna møguliga gjalding í sambandi við uppsøgn ella tryggingarskjalslán, og

2)   upphæddin, sum tryggingartakarin kann læna sambært ella við atliti at avtaluni.

Stk. 2. Uttan mun til stk. 1 fevnir hugtakið Kontantvirði ikki um eina upphædd, sum skal rindast sambært eini Tryggingaravtalu:

1)   Bert tí, at ein likamligur persónur, sum er tryggjaður sambært eini lívstryggingaravtalu, er deyður.

2)   Sum persónsskaðaveiting ella sjúkraveiting ella annað gjald, sum endurrindar eitt fíggjarligt tap, ið stendst av tí hending, sum tryggjað er ímóti.

3)   Sum afturrindan av áður goldnum tryggingargjaldi frádrigið útreiðslur til tryggingargjøld, uttan mun til um tey eru innheintað ella ikki sambært eini Tryggingaravtalu uttan at talan er um íløgutengdar lívstryggingar- ella annuitetsavtalur vegna ógilding ella avtalulok, minking av váðatøku í fulnaðartíð avtalunnar, ella vegna rætting av bókingarvillum ella øðrum líknandi villum, ið viðvíkja avtalunnar tryggingargjaldi.

4)   Sum útgjald til tryggingartakaran undantikið útgjald í sambandi við avtalulok, um útgjaldið viðvíkir eini Tryggingaravtalu, sambært hvørjari bert tær gjaldingar, ið lýstar eru í nr. 2, skulu rindast.

5)   Sum afturrindan av eini frammanundan goldnum tryggingargjaldi ella eini trygd fyri eina Tryggingaravtalu, har tryggingargjaldið skal rindast minst eina ferð um árið, um upphæddin av tryggingargjaldinum ella trygdini ikki er hægri enn næsta árliga tryggingargjald, sum skal rindast sambært avtaluni.

Aðrar upplýsingar

§ 40. Mannagongdir fyri hóskandi umhugsni í mun til Kundar merkir tær mannagongdir, sum ein Fráboðanarskyldugur Veitari av Kryptoognartænastum skal fylgja sambært reglum um fyribyrgjing av hvítvaski av peningi ella líknandi krøvum, sum veitarin er fevndur av.

§ 41. Eind merkir ein løgfrøðiligur persónur ella ein løgfrøðilig skipan, t.d. eitt felag, eitt íognarfelag, eitt samstarv, ein trustur ella ein grunnur.

§ 42. Ein Eind er ein Tilknýtt Eind í mun til eina aðra Eind, um ein av Eindunum hevur ræðisrætt yvir hinari Eindini, ella um báðar Eindirnar eru undir felags ræðisrætti. Í hesum sambandi fevnir ræðisrættur um beinleiðis ella óbeinleiðis ognarlut, ið gevur meira enn 50% av atkvøðurættinum og virðinum í eini Eind.

§ 43. Deild merkir ein eind, ein fyritøka ella ein skrivstova hjá einum Fráboðanarskyldugum Veitara av Kryptoognartænastum, sum verður viðgjørd sum ein deild sambært lóggávuni í einum rættardømi, ella sum á annan hátt er skipað undir lóggávuna í einum rættardømi fyri seg, sundurskilt frá øðrum skrivstovum, eindum ella deildum, ið hoyra til hin Fráboðanarskylduga Veitaran av Kryptoognartænastum. Allar eindir, fyritøkur ella skrivstovur, ið hoyra til ein Fráboðanarskyldugan Veitara av Kryptoognartænastum í sama rættardømi, verða viðgjørdar sum ein einstøk deild.

§ 44. Galdandi Treytað Avtala millum Málsráðandi Myndugleikar merkir ein avtalu millum málsráðandi myndugleikarnar í Føroyum og einum øðrum rættardømi, sum krevur automatiskt umbýti av upplýsingum, ið svarar til tær upplýsingar, sum eru nevndar í § 56.

§ 45. Luttakandi Rættardømi merkir eitt rættardømi uttan fyri Føroyar, sum hevur sett í gildi lógarkrøv, ið svara til krøvini í CARF, og sum er eyðmerkt sum slíkt á einum almannakunngjørdum lista á heimasíðuni hjá TAKS.

§ 46. Skattgjaldaranummar merkir eitt skattgjaldaranummar, ella tað, sum svarar til eitt slíkt nummar, um eitt skattgjaldaranummar ikki er tøkt. Skattgjaldaranummarið er eitt nummar ella ein kota, sum ein málsráðandi myndugleiki nýtir til at eyðmerkja ein skattgjaldara.

Kapittul 2

Fráboðanarskylda

§ 47. Ein Fráboðanarskyldugur Veitari av Kryptoognartænastum er fevndur av krøvunum um fráboðan og hóskandi umhugsni, sum eru ásett í ávikavist kapittul 3 og 4, í Føroyum, um hanner ein Eind, sum hevur fingið loyvi frá Fíggjareftirlitinum, ella hevur loyvi at veita Kryptoognartænastur eftir fráboðan til Fíggjareftirlitið.

Stk. 2. Ein Fráboðanarskyldugur Veitari av Kryptoognartænastum er fevndur av krøvunum um fráboðan og hóskandi umhugsni, sum eru ásett í ávikavist kapittul 3 og 4, í Føroyum, um hann ikki er ein Eind, sum hevur fingið loyvi, ella hevur loyvi at veita kryptoognartænastur eftir fráboðan, og er:

1)   ein Eind ella ein likamligur persónur, sum skattliga er heimahoyrandi í Føroyum,

2)   ein Eind, sum er skrásett ella stovnað sambært føroyskari lóggávu, og antin er ein løgfrøðiligur persónur í Føroyum ella skyldugur at lata upplýsingarskjøl til TAKS viðvíkjandi Eindarinnar inntøku,

3)   ein Eind, sum verður umsitin úr Føroyum, ella

4)   ein Eind ella ein likamligur persónur, sum hevur sítt vanliga vinnustað í Føroyum.

§ 48. Ein Fráboðanarskyldugur Veitari av Kryptoognartænastum er fevndur av krøvunum um fráboðan og hóskandi umhugsni í ávikavist kapittul 3 og 4 í Føroyum, tá tað snýr seg um Fráboðanarskyldugar handlar, sum verða framdir umvegis eina deild, ið er staðsett í Føroyum.

§ 49. Ein Fráboðanarskyldugur Veitari av Kryptoognartænastum, sum er ein Eind, skal ikki lúka krøvini um fráboðan og hóskandi umhugsni í ávikavist kapittul 3 og 4 í Føroyum, sum hann er fevndur av sambært § 47, stk. 2, 3 ella 4, um hesi krøv longu eru uppfylt av hesum Fráboðanarskylduga Veitara av Kryptoognartænastum í einum Luttakandi Rættardømi, av tí at Eindin hevur skattligan heimstað í hesum Luttakandi Rættardømi.

§ 50. Ein Fráboðanarskyldugur Veitari av Kryptoognartænastum, sum er ein Eind, skal ikki lúka krøvini um fráboðan og hóskandi umhugsni í ávikavist kapittul 3 og 4 í Føroyum, sum hann er fevndur av sambært § 47, stk. 2, nr. 3 ella 4, um hesi krøv longu eru uppfylt av hesum Fráboðanarskylduga Veitara av Kryptoognartænastum í einum Luttakandi Rættardømi, av tí at hann er ein Eind, sum:

1)   er skrásett ella stovnað sambært lóggávuni í tí Luttakandi Rættardøminum, og

2)   antin er ein løgfrøðiligur persónur í tí Luttakandi Rættardøminum, ella er skyldugur at lata inn sjálvuppgávur til skattamyndugleikarnar í tí Luttakandi Rættardøminum viðvíkjandi inntøku Eindarinnar.

§ 51. Ein Fráboðanarskyldugur Veitari av Kryptoognartænastum, sum er ein Eind, skal ikki lúka krøvini um fráboðan og hóskandi umhugsni í ávikavist kapittul 3 og 4 í Føroyum, sum hann er fevndur av sambært § 47, stk. 2, nr. 4, um hesi krøv longu eru uppfylt av hesum Fráboðanarskylduga Veitara av Kryptoognartænastum í einum Luttakandi Rættardømi, av tí at hann verður umsitin úr hesum Luttakandi Rættardøminum.

§ 52. Ein Fráboðanarskyldugur Veitari av Kryptoognartænastum, sum er ein likamligur persónur, skal ikki lúka krøvini um fráboðan og hóskandi umhugsni í ávikavist kapittul 3 og 4 í Føroyum, sum viðkomandi er fevndur av sambært § 47, stk. 2, nr. 4, um hesi krøv longu eru uppfylt av viðkomandi Fráboðanarskylduga Veitara av Kryptoognartænastum í einum Luttakandi Rættardømi, av tí at viðkomandi hevur sítt skattliga heimstað í hesum Luttakandi Rættardøminum.

§ 53. Ein Fráboðanarskyldugur Veitari av Kryptoognartænastum skal ikki lúka krøvini um fráboðan og hóskandi umhugsni í ávikavist kapittul 3 og 4 í Føroyum, sum hann er fevndur av sambært § 47, stk. 2, nr. 1-4, um viðkomandi hevur givið TAKS eina fráboðan í einum sniði, sum TAKS hevur ásett, har váttað verður, at slík krøv eru uppfylt av viðkomandi Fráboðanarskylduga Veitara av Kryptoognartænastum sambært reglum í einum Luttakandi Rættardømi, sambært treytum, sum í høvuðsheitum svara til § 47, stk., nr. 1-4.

§ 54. Ein Fráboðanarskyldugur Veitari av Kryptoognartænastum skal ikki lúka krøvini um fráboðan og hóskandi umhugsni í ávikavist kapittul 3 og 4 í Føroyum, tá tað snýr seg um Fráboðanarskyldugar handlar, sum viðkomandi fremur gjøgnum eina Deild í einum Luttakandi Rættardømi, um hesi krøv longu eru uppfylt av hesi Deild í Luttakandi Rættardøminum.

Kapittul 3

Fráboðanarkrøv

§ 55. Ein Fráboðanarskyldugur Veitari av Kryptoognartænastum, sum nevndur í §§ 47 og 48, skal lata tær upplýsingar inn, sum eru ásettar í § 56, til málsráðandi myndugleikan í Føroyum, um hann er undir fráboðanarkrøvum her sambært kapittul 2.

§ 56. Ein Fráboðanarskyldugur Veitari av Kryptoognartænastum skal fyri hvørt viðkomandi almanakkaár og í samsvari við skyldurnar fyri Fráboðanarskyldugar Veitarar av Kryptoognartænastum í kapittul 2 og mannagongdirnar fyri hóskandi umhugsni í kapittul 4 fráboða tær upplýsingar, sum nevndar eru í stk. 2-5 og 7-9, viðvíkjandi sínum Kryptoognarbrúkarum, sum eru Brúkarar, ið fráboðast skal um, ella sum hava Persónar við Ræði, ið eru Persónar, sum fráboðast skal um.

Stk. 2. Fyri hvønn Kryptoognarbrúkara, sum er fevndur av stk. 1, skal fráboðanin fevna um hesar upplýsingar:

1)   navn,

2)   bústað,

3)   tað ella tey rættardømir, har viðkomandi er skattliga heimahoyrandi,

4)   skattgjaldaranummar ella skattgjaldaranummur, og

5)   um talan er um ein likamligan persón, føðingardag og føðistað.

Stk. 3. Um ein Eind eftir at hava nýtt mannagongdirnar fyri hóskandi umhugsni sambært kapittul 4 verður staðfest sum havandi ein ella fleiri Persónar við Ræði, sum eru Persónar, ið fráboðast skal um, skal fráboðanin fevna um tær upplýsingar, ið nevndar eru í stk. 2, fyri hvønn av hesum Persónum við Ræði. Harumframt skal fráboðanin fevna um upplýsingar um tann ella teir leiklutir, sum gera, at hvør einstakur Persónur, ið fráboðast skal um, er ein Persónur við Ræði í Eindini.

Stk. 4. Hvat viðvíkur tí Fráboðanarskylduga Veitaranum av Kryptoognartænastum, skal fráboðanin fevna um navn, bústað, Skattgjaldaranummar og, um tað finst, egið samleikanummar, og altjóða ID-kotuna fyri løgfrøðiligar eindir.

Stk. 5. Fyri hvørt slag av Fráboðanarskyldugum Kryptoognum, sum Fráboðanarskyldugi Veitarin av Kryptoognartænastum hevur framt Fráboðanarskyldugar Handlar við í viðkomandi álmanakkaári, skulu hesar upplýsingar fráboðast:

1)   Fulla navnið á slagnum av Fráboðanarskyldugari Kryptoogn í samsvari við ta navngávu, sum er knýtt at Digital Token Identifier, DTI, um slíkur finst.

2)   Samlað t.e. aggregerað goldin bruttoupphædd, samlað tal av eindum og talið av Fráboðanarskyldugum handlum hvat viðvíkur keypi móti gjaldi í Fiatgjaldoyra.

3)   Samlaða móttikna bruttoupphæddin, tað samlaða talið av eindum og talið av Fráboðanarskyldugum handlum hvat viðvíkur avhendan móti gjaldi í Fiatgjaldoyra.

4)   Samlaða rímuliga marknaðarvirði, samlaða talið av eindum og talið av Fráboðanarskyldugum handlum hvat viðvíkur yvirtøkur móti gjaldi í øðrum Fráboðanarskyldugum Kryptoognum.

5)   Samlaða rímuliga marknaðarvirði, samlaða talið av eindum og talið av Fráboðanarskyldugum handlum hvat viðvíkur avhendan móti gjaldi í øðrum Fráboðanarskyldum Kryptoognum.

6)   Samlaða rímiliga marknaðarvirði, samlaða talið av eindum og talið av Fráboðanarskyldugum Smásølutiltøkum.

7)   Samlaða rímiliga marknaðarvirði, samlaða talið av eindum og talið av Fráboðanarskyldugum handlum undirbýtt eftir handilsslagi, um tann Fráboðanarskyldugi Veitarin av Kryptoognartænastum hevur kunnleika til tað, hvat viðvíkur Flutningi til tann Brúkara, sum fráboðast skal um, sum ikki er fevndur av nr. 2 og 4.

8)   Samlaða rímiliga marknaðarvirði, samlaða talið av eindum og talið av Fráboðanarskyldugum handlum undirbýtt eftir handilsslag, um Fráboðanarskyldugi Veitarin av Kryptoognartænastum hevur kunnleika til tað, hvat viðvíkur Flutningum frá Brúkaranum, sum fráboðast skal um, sum ikki er fevndur av nr. 3, 5 og 6.

9)   Samlaða rímiliga marknaðarvirði eins og samlaða talið av eindum við atliti at Flutningum framdir av tí Fráboðanarskylduga Veitaranum av Kryptoognartænastum til distributed ledger-bústaðir, sum ikki eru kendir at vera atknýttir einum veitara av virtuellum ognum ella einum Fíggjarstovni.

Stk. 6. Fráboðanarskyldugi Veitarin av Kryptoognartænastum skal einans fráboða upplýsingar um ein Kryptoognarbrúkara, um Kryptoognarbrúkarin hevur framt ein ella fleiri Fráboðanarskyldugar Handlar í tí álmanakkaári, sum fráboðanin viðvíkur.

Stk. 7. Við fráboðan sambært stk. 5, nr. 2 og 3, verður tann upphæddin fráboðað, sum er goldin ella móttikin í tí Fiatgjaldoyra, sum hon er goldin ella móttikin í. Í teimum førum, har upphæddir eru goldnar ella móttiknar í ymiskum Fiatgjaldoyrum, verða upphæddirnar fráboðaðar í einum einstøkum gjaldoyra, sum verður umroknað eftir tíðspunktinum fyri hvønn Fráboðanarskyldugan handil á ein hátt, sum Fráboðanarskyldugi Veitarin av Kryptoognartænastum støðugt nýtir.

Stk. 8. Við fráboðan sambært stk. 5, nr. 4-9, verður rímiliga marknaðarvirðið staðfest og fráboðað í einum einstøkum gjaldoyra, sum verður virðissett tíðspunktið fyri hvønn Fráboðanarskyldugan handil á ein hátt, sum Fráboðanarskyldugi Veitarin av Kryptoognartænastum støðugt nýtir.

Stk. 9. Fráboðaðu upplýsingarnar skulu vísa í hvørjum Fiatgjaldoyra, hvør upphædd er fráboðað.

§ 57. Hóast § 56 skal Skattgjaldaranummarið ikki fráboðast, um:

1)   Viðkomandi rættardømi ikki útgevur Skattgjaldaranummur, ella

2)   lóggávan í tí Viðkomandi rættardøminum ikki krevur innsavnan av Skattgjaldaranummarinum, útgivið av hesum Viðkomandi rættardømi.

Stk. 2. Hóast § 56, stk. 2 og 3, skal føðistaður ikki fráboðast, uttan so at Fráboðanarskyldugi Veitarin av Kryptoognartænastum á annan hátt er skyldugur sambært nationalum rætti at innheinta og fráboða hann.

§ 58. Tær upplýsingar, sum nevndar eru í § 56, skulu fráboðast í seinasta lagi 31. januar í árinum eftir tað álmanakkaárið, sum upplýsingarnar viðvíkja. Fyrstu upplýsingarnar verða fráboðaðar fyri álmanakkaárið 2026.

Kapittul 4

Hóskandi umhugsni t.e. Due diligence

§ 59. Ein Kryptoognarbrúkari verður viðgjørdur sum ein Brúkari, ið fráboðast skal um, frá tí degi, viðkomandi verður staðfestur sum slíkur sambært mannagongdunum um hóskandi umhugsni, sum eru lýstar í hesum kapitli.

Mannagongdir fyri hóskandi umhugsni fyri Individuellar Kryptoognarbrúkarar

§ 60. Fylgjandi mannagongdir skulu nýtast til at staðfesta, um Individuelli Kryptoognarbrúkarin er ein Brúkari, sum fráboðast skal um:

1)   Tá kundasamband verður stovnað við Individuella Kryptoognarbrúkaran, ella, fyri Individuellar Kryptoognarbrúkarar, sum longu eru til, í seinasta lagi 1. januar 2027, skal Fráboðanarskyldugi Veitarin av Kryptoognartænastum innheinta eina eginváttan, sum ger tað møguligt at staðfesta skattliga heimstaðin ella heimstaðirnar hjá Individuella Kryptoognarbrúkaranum. Veitarin skal harumframt vátta, at eginváttanin er sanndømi, grundað á upplýsingar, sum Veitarin hevur innheintað, undir hesum skjøl savnað sambært mannagongdunum um hóskandi umhugsni í mun til Kundar.

2)   Um broytingar henda í umstøðunum hjá einum Individuellum Kryptoognarbrúkara, sum gera, at Fráboðanarskyldugi Veitarin av Kryptoognartænastum heldur ella hevur orsøk at halda, at upprunaliga eginváttanin er skeiv ella óálítandi, kann Veitarin ikki longur halda seg til tað upprunaligu eginváttanina, men skal innheinta eina galdandi eginváttan ella eina rímiliga frágreiðing og, har tað er viðkomandi, skjøl, sum stuðla gildi á upprunaligu eginváttanini.

Mannagongdir fyri hóskandi umhugsni fyri Eindir, sum eru Kryptoognarbrúkarar

§ 61. Fylgjandi mannagongdir verða nýttar til at staðfesta, um Eindin, sum er Kryptoognarbrúkari, er ein Brúkari, sum fráboðast skal um, ella ein onnur Eind enn ein Undantikin Persónur ella ein Virkin Eind, við einum ella fleiri Persónum við Ræði, sum fráboðast skal um:

1)   Avgerð um, hvørt Eindin, sum er Kryptoognarbrúkari, er ein Persónur, sum fráboðast skal um:

a)    Tá samband verður stovnað við Eindina, sum er Kryptoognarbrúkari, ella hvat viðvíkur Eindum, sum longu eru Kryptoognarbrúkarar, í seinasta lagi 1. januar 2027, skal Fráboðanarskyldugi Veitarin av Kryptoognartænastum innheinta eina eginváttan, sum ger tað møguligt fyri Fráboðanarskylduga Veitaran av Kryptoognartænastum at staðfesta skattliga heimstaðin ella heimstaðirnar hjá Eindini, sum er Kryptoognarbrúkari,og vátta sanndømi av eginváttanini, grundað á upplýsingar, sum Veitarin av Kryptoognartænastum hevur innheintað, undir hesum skjøl savnað sambært mannagongdunum um hóskandi umhugsni í mun til Kundar. Um Eindin, sum er Kryptoognarbrúkari, boðar frá, at hon ikki hevur nakað skattligt heimstað, kann Fráboðanarskyldugi Veitarin av Kryptoognartænastum, við tí endamáli at staðfesta heimstaðin hjá Eindini, halda seg til staðið hjá veruligu leiðsluni ella adressuna hjá høvuðsskrivstovuni.

b)    Um eginváttanin vísir, at Eindin, sum er Kryptoognarbrúkari, er skattliga heimahoyrandi í einum Viðkomandi rættardømi, skal Fráboðanarskyldugi Veitarin av Kryptoognartænastum viðgera Eindina sum ein Brúkara, sum fráboðast skal um, uttan so at tað við sanndømi, grundað á eginváttanina ella upplýsingar, sum Veitarin hevur ræði á, ella sum eru alment tøkar, kann staðfestast, at Eindin er ein Undantikin Persónur.

2)   Til staðfestingar av, um Eindin hevur ein ella fleiri Persónar við Ræði, sum fráboðast skal um, skal Fráboðanarskyldugi Veitarin av Kryptoognartænastum, í mun til eina Eind, sum er Kryptoognarbrúkari, men ikki ein Undantikin Persónur, staðfesta, um hon hevur ein ella fleiri Persónar við Ræði, sum fráboðast skal um, uttan so at tað, grundað á eina eginváttan frá Eindini, kann staðfestast, at Eindin, sum er ein Kryptoognarbrúkari, er ein Virkin Eind. Hetta verður gjørt sambært hesi mannagongd:

a)    Tá ið Persónar við Ræði hjá eini Eind, sum er Kryptoognarbrúkari, skulu staðfestast, kann ein Fráboðanarskyldugur Veitari av Kryptoognartænastum byggja á upplýsingar, sum eru savnaðar og goymdar sambært mannagongdunum um hóskandi umhugsni í mun til Kundar, treytað av at slíkar mannagongdir eru í samsvari við tilmælini frá Financial Action Task Force frá 2012, sum dagførd vórðu í juni 2019 viðvíkjandi veitara av virtuellum virðum. Um Fráboðanarskyldugi Veitarin av Kryptoognartænastum ikki er løgfrøðiliga bundin at nýta mannagongdirnar fyri hóskandi umhugsni í mun til Kundar, sum eru í samsvari við nevnda tilmæli frá Financial Action Task Force, skal hann í staðin nýta í høvuðsheitum líknandi mannagongdir til at staðfesta Persónar við Ræði.

b)    Tá ið avgerð skal takast um, hvørt ein Persónur við Ræði hjá eini Eind, sum er Kryptoognarbrúkari, er ein Persónur, sum fráboðast skal um, skal Fráboðanarskyldugi Veitarin av Kryptoognartænastum byggja á eina eginváttan frá Eindini, sum er Kryptoognarbrúkari, ella einum slíkum Persóni við Ræði, sum ger tað møguligt fyri Fráboðanarskylduga Veitaran av Kryptoognartænastum at staðfesta skattliga heimstaðin ella heimstaðirnar hjá Persóninum við Ræði og vátta sanndømi av eginváttanini, grundað á upplýsingar, sum Fráboðanarskyldugi Veitarin av Kryptoognartænastum hevur innheintað, undir hesum skjøl savnað sambært mannagongdunum um hóskandi umhugsni í mun til Kundar.

3)   Um tað hendir ein broyting í umstøðunum hjá eini Eind, sum er Kryptoognarbrúkari, ella hjá hennara Persónum við Ræði, sum ger, at tann Fráboðanarskyldugi Veitarin av Kryptoognartænastum heldur ella hevur orsøk at halda, at ein eginváttan, sum er innheintað sambært nr. 1 ella 2, er skeiv ella óálítandi, kann tann Fráboðanarskyldugi Veitarin av Kryptoognartænastum ikki longur styðja seg til upprunaligu eginváttanina. Í staðin skal hann innheinta eina galdandi eginváttan ella eina rímiliga frágreiðing og, har tað er viðkomandi, skjøl, sum stuðla upp undir, at upprunaliga eginváttanin framvegis er galdandi.

Krav til gildi á eginváttanum

§ 62. Ein eginváttan frá einum Individuellum Kryptoognarbrúkara ella einum Persóni við Ræði er bert galdandi, um hon er undirskrivað ella á annan hátt positivt váttað av Individuella Kryptoognarbrúkaranum ella Persóninum við Ræði, um hon er dagfest seinast á móttøkudegnum, og um hon inniheldur hesar upplýsingar um Individuella Kryptoognarbrúkaran ella Persónin við Ræði:

1)   fornavn og eftirnavn,

2)   bústað,

3)   rættardømi ella rættardømir, har viðkomandi er skattliga heimahoyrandi,

4)   Skattgjaldaranummar fyri hvørt Viðkomandi rættardømi, um viðkomandi er Persónur, sum fráboðast skal um, og

5)   føðingardag.

§ 63. Ein eginváttan frá eini Eind, sum er Kryptoognarbrúkari, er bert galdandi, um hon er undirskrivað ella á annan hátt positivt váttað av Eindini, sum er Kryptoognarbrúkari, um hon er dagfest seinast á móttøkudegnum, og um hon inniheldur hesar upplýsingar um Eindina, sum er Kryptoognarbrúkari:

1)   Løgfrøðiligt navn.

2)   Adressu.

3)   Rættardømi ella rættardømir, har Eindin er skattliga heimahoyrandi.

4)   Skattgjaldaranummar fyri hvørt Viðkomandi rættardømi, har viðkomandi er Persónur, sum fráboðast skal um.

5)   Í mun til eina Eind, sum er Kryptoognarbrúkari, og sum ikki er ein Virkin Eind ella ein Undantikin Persónur, tær upplýsingar, sum eru nevndar í § 62, um hvønn Persón við Ræði hjá Eindini, uttan so at viðkomandi Persónur við Ræði sjálvur hevur latið eina eginváttan sambært § 62, umframt upplýsingar um tann ella teir leiklutir, sum gera, at hvør Persónur, sum fráboðast skal um, er ein Persónur við Ræði í Eindini, um hetta ikki longu er staðfest sambært mannagongdunum um hóskandi umhugsni í mun til Kundar.

6)   Um tað er viðkomandi, upplýsingar um tær treytir, sum Eindin lýkur fyri at verða viðgjørd sum ein Virkin Eind ella ein Undantikin Persónur.

§ 64. Hóast §§ 62 og 63 er onki krav um at innsavna Skattgjaldaranummarið, um tað rættardømið, har Persónur, sum fráboðast skal um, skattliga er heimahoyrandi, ikki hevur givið út eitt Skattgjaldaranummar til viðkomandi Persón, ella um lóggávan í Viðkomandi rættardømi ikki krevur innsavnan av Skattgjaldaranummari, sum er útflýggjað av Viðkomandi rættardømi.

Almenn krøv um hóskandi umhugsni

§ 65. Ein Fráboðanarskyldugur Veitari av Kryptoognartænastum, sum eisini er ein Fíggjarstovnur sambært § 27, kann byggja á mannagongdirnar fyri hóskandi umhugsni, sum eru framdar sambært kapittul 5 og 7 í kunngerð um eyðmerking og fráboðan av fíggjarkontum við tilknýti til útheimin, viðvíkjandi mannagongdunum sambært hesum kapitli. Ein Fráboðanarskyldugur Veitari av Kryptoognartænastum kann eisini byggja á eina eginváttan, sum longu er innheintað til onnur skattlig endamál, treytað av at ein slík eginváttan lýkur treytirnar í §§ 62 og 63.

§ 66. Ein Fráboðanarskyldugur Veitari av Kryptoognartænastum kann lýta á, at ein triðipartur lýkur skyldurnar fyri hóskandi umhugsni, sum ásettar eru í hesum kapitli, men skyldurnar eru framvegis ábyrgdin hjá Fráboðanarskylduga Veitaranum av Kryptoognartænastum.

§ 67. Ein Fráboðanarskyldugur Veitari av Kryptoognartænastum skal varðveita alla dokumentatión og allar dátur í minst fimm ár eftir, at freistin fyri at fráboða tær upplýsingar, sum kravdar eru sambært kapittul 3, er farin.

Kapittul 5

Revsireglur og gildiskoma

§ 68. Reglurnar í §§ 145 og 150 í skattalógini eru eisini galdandi fyri brot á kunngerðina.

§ 69. Henda kunngerð kemur í gildi dagin eftir, at hon er kunngjørd.

 

 

Fíggjarmálaráðið, 11. november 2026

 

Aksel V. Johannesen (sign.)

landsstýrismaður

/ Barni Askham Bjarnason (sign.)

 

Um rættarregluna o.a.

Um rættarregluna

Bólkur: Kunngerð
Gildisstøða: Galdandi
Felagsmál/Sermál: Sermál
Myndugleiki: Fíggjarmálaráðið
Útgávudagur: 17-11-2026

Tilvísingar

Kunngerðablaðið

Kunngerðarblað 2026 A - Kunngerð 102 frá 11. november 2026

Rættarreglan soleiðis sum hon upprunaliga varð kunngjørd í Kunngerðablaðnum

Valmøguleikar

Prenta Send PDF Word

Tín lógalisti

Set á tín lógarlista
Strika av tínum lógarlista
Tín lógalisti

 

Send rættarreglu til teldupost

Fyrivarni Samskifti
logir.fo © Øll rættindi tilskilað

Samskifti

Rita inn

Leitar Loading