Løgtingslóg nr. 98 frá 19. august 2005 um broyting í løgtingslóg um vinnuligan fiskiskap

Samsvarandi samtykt Løgtingsins staðfestir og kunnger løgmaður hesa løgtingslóg:

§ 1

Í løgtingslóg nr. 28 frá 10. mars 1994 um vinnuligan fiskiskap, við seinni broytingum, verða gjørdar hesar broytingar:
1) § 5, stk. 5 verður orðað soleiðis:

"Stk. 5. Ein fiskidagur er hvørjar 24 tímar, fiskifarið hevur verið til fiskiskap í fiskiárinum. Hvør túrur verður roknaður at byrja, tá farið verður úr havn og at enda, tá komið er aftur í havn. Hvør byrjaður túrur telur tó minst 24 tímar. Fyri fiskifør í bólki 5 sambært § 28, stk. 1 telur hvør túrur ein fiskidag, hóast túrurin er meir enn 24 tímar."

2) Í § 8, stk. 8 verður orðingin "1-7" broytt til "1, 4 og 5".

3) Í § 9, stk. 1, nr. 5 verður aftaná "sambandi" sett: "og í sambandi við avhending av fiskidøgum og kvotum".

4) § 27 verður orðað soleiðis:

"§ 27. Fiskidagar verða ásettir á landleiðunum fyri fiskifør undir føroyskum flaggi, undantikið lemmatrolarar størri enn 1000 HK, frá 1. september 2005 til 31. august 2006."

5) § 28, stk. 2 verður orðað soleiðis:

"Stk. 2. Rætturin til tilfeingið á føroysku landleiðunum verður roknað vegleiðandi hvørjum høvuðsbólki sær eftir prosentbýti av teimum ymisku fiskastovnunum soleiðis:

	Toskur	Hýsa	Upsi	Kongafiskur
Bólkur 1: Trol, lemmatrolarar	4%	1,75%	13%	90,5%
Bólkur 2: Trol, pør	21%	10,25%	69%	8,5%
Bólkur 3: Línuskip	37%	45%	0	0
Bólkur 4: Útróðrarbátar yvir 15 t.	17%	17,5%	11,5%	0,5%
Bólkur 5: Útróðrarbátar undir 15 t.	20%	23,5%	6 %	0
Bólkur 6: Onnur	1%	2%	0,5%	0,5%

6) § 29, stk. 1 verður orðað soleiðis:

"Stk. 1. Innan fyri hvønn av høvuðsbólkunum av fiskiførum í § 28, stk. 1, sum eru í veiðiflotanum 1. januar 1995, verður fiskidagaskipan ásett fyri hesar undirbólkar við hesum fiskidagatali, sbr. tó stk. 3, sum verður býtt millum fiskiførini, tó so, at hædd verður tikin fyri møguligari umseting av fiskidøgum frá einum fiskifari til eitt annað í sama undirbólki, bólkur 5 tó undantikin:

Bólkur 2:	Partrolarar	5.752 fiskidagar
Bólkur 3:	Línuskip yvir 110 tons	3.578 fiskidagar
Bólkur 4 A:	Útróðrarbátar millum 15 - 40 tons	1.770 fiskidagar
Bólkur 4 B:	Útróðrarbátar størri enn 40 tons á línuveiðu	2.067 fiskidagar
Bólkur 4 T:	Útróðrarbátar størri enn 40 tons á trolveiðu	1.766 fiskidagar
Bólkur 5:	Útróðrarbátar undir 15 tons á húkaveiðu	21.235 fiskidagar"

7) Í § 29 verður sum stk. 10 sett:

"Stk. 10. Landsstýrismaðurin kann fyri høvuðsbólkarnar 2, 3 og 4 tilluta ávikavist 169, 105 og 167 fiskidagar íalt millum tey fiskifør, sum avreiða livur. Landsstýrismaðurin ásetir í kunngerð treytir fyri at fáa lut í hesum fiskidøgum."

8) Í § 35, stk. 2, 1. pkt. verður aftaná "ungfiski" sett "ella hjáveiða".

1)	§ 5, stk. 5 verður orðað soleiðis:
	"Stk. 5. Ein fiskidagur er hvørjar 24 tímar, fiskifarið hevur verið til fiskiskap í fiskiárinum. Hvør túrur verður roknaður at byrja, tá farið verður úr havn og at enda, tá komið er aftur í havn. Hvør byrjaður túrur telur tó minst 24 tímar. Fyri fiskifør í bólki 5 sambært § 28, stk. 1 telur hvør túrur ein fiskidag, hóast túrurin er meir enn 24 tímar."
2)	Í § 8, stk. 8 verður orðingin "1-7" broytt til "1, 4 og 5".
3)	Í § 9, stk. 1, nr. 5 verður aftaná "sambandi" sett: "og í sambandi við avhending av fiskidøgum og kvotum".
4)	§ 27 verður orðað soleiðis:
	"§ 27. Fiskidagar verða ásettir á landleiðunum fyri fiskifør undir føroyskum flaggi, undantikið lemmatrolarar størri enn 1000 HK, frá 1. september 2005 til 31. august 2006."
5)	§ 28, stk. 2 verður orðað soleiðis:
	"Stk. 2. Rætturin til tilfeingið á føroysku landleiðunum verður roknað vegleiðandi hvørjum høvuðsbólki sær eftir prosentbýti av teimum ymisku fiskastovnunum soleiðis:

6)	§ 29, stk. 1 verður orðað soleiðis:
	"Stk. 1. Innan fyri hvønn av høvuðsbólkunum av fiskiførum í § 28, stk. 1, sum eru í veiðiflotanum 1. januar 1995, verður fiskidagaskipan ásett fyri hesar undirbólkar við hesum fiskidagatali, sbr. tó stk. 3, sum verður býtt millum fiskiførini, tó so, at hædd verður tikin fyri møguligari umseting av fiskidøgum frá einum fiskifari til eitt annað í sama undirbólki, bólkur 5 tó undantikin:

7)	Í § 29 verður sum stk. 10 sett:
	"Stk. 10. Landsstýrismaðurin kann fyri høvuðsbólkarnar 2, 3 og 4 tilluta ávikavist 169, 105 og 167 fiskidagar íalt millum tey fiskifør, sum avreiða livur. Landsstýrismaðurin ásetir í kunngerð treytir fyri at fáa lut í hesum fiskidøgum."
8)	Í § 35, stk. 2, 1. pkt. verður aftaná "ungfiski" sett "ella hjáveiða".