KUNNGERÐ NR. 124 FRÁ 23. OKTOBER 1996 UM SJÚKRAHÚSRÁÐ, SUM SEINAST BROYTT VIÐ KUNNGERÐ NR. 74 FRÁ 12. OKTOBER 1998.
Kunngerð nr. 124 frá 23.10.1996
Við heimild í § 3, stk.2 í løgtingslóg nr. 89 frá 4. juni 1996 um Sjúkrahúsverk Føroya verður fyrisett:
§ 1. Fyri hvørt av sjúkrahúsunum velur landsstýrismaðurin í heilsumálum eitt sjúkrahúsráð, sum er ráðgevandi fyri landsstýrismannin í málum viðvíkjandi sjúkrahúsinum.
Stk.2. 1) Almanna- og heilsumálastýrið er skrivstova hjá ráðunum og veitir teimum harvið eisini skrivara.§ 2. Høvuðsuppgávan hjá sjúkrahúsráðunum er at viðgera mál av generellum og prinsipiellum týdningi fyri viðgerðina á sjúkrahúsunum.
§ 3. Sjúkrahúsráðini skulu geva landstýrismanninum í heilsumálum ráð um tey mál, sum hann leggur fyri tey.
Stk.2. 1) Fíggjarætlan sjúkrahúsins skal verða ummæld av sjúkrahúsráðunum, áðrenn hon verður send Almanna- og heilsumálastýrinum.§ 4. Sjúkrahúsráðini kunnu av sínum eintingum viðgera mál viðvíkjandi sjúkrahúsinum og koma við uppskotum til landsstýrismannin í heilsumálum. Somuleiðis kunnu sjúkrahúsráðini arbeiða saman um felags uppskot.
§ 5. 1) Landsstýrismaðurin í heilsumálum velur 5 limir í hvørt ráð, millum annað eftir uppskoti frá feløgum og áhugabólkum, sum umboða sjúklingar, ið vanliga verða viðgjørdir á sjúkrahúsunum. Harumframt velur landsstýrismaðurin 2 tiltakslimir. Hevur ein limur forfall, verður ein tiltakslimur boðsendur.
Stk. 2. Landsstýrismaðurin velur limirnar soleiðis, at samansetingin av ráðunum er so breið sum gjørligt.
Stk. 3. Løgtingslimir, býráðs- og bygdaráðslimir og starvsfólk innan heilsuverkið kunnu ikki verða vald í ráðini.
Stk. 4. Sjúkrahúsráðini verða tilnevnd eftir hvørt løgtingsval. Limirnir í sjúkrahúsráðunum verða sitandi í ráðunum, til nýggir limir eru tilnevndir.§ 6. Hvørt sjúkrahúsráð velur formann og næstformann sínámillum. Sjúkrahúsráðini áseta sína egnu fundarskipan.
Stk. 2. Sjúkrahúsráðini halda fund minst 4 ferðir um árið. Førd verður gerðabók, yvir tær á fundunum gjørdu tilráðingar. Gerðabókin verður undirskrivað av teimum limum, sum vóru á fundi.
Stk. 3. Sjúkrahúsráðini halda felagsfund minst eina ferð um árið. Harafturat kann eitt sjúkrahúsráð krevja, at felagsfundur verður. Førd verður gerðabók yvir tær á fundinum gjørdu tilráðingar. Gerðabókin verður undirskrivað av teimum limum, sum vóru á fundi.
Stk. 4. 1) Avrit av gerðabókunum verður send Almanna- og heilsumálastýrinum.§ 7. 2) Fundarsamsýningar, ferðaútreiðslur og dag- og tímapeningur til sjúkrahúsráðini verður goldin eftir vanligum reglum, galdandi fyri tænastumenn.
§ 8. Limirnir í sjúkrahúsráðunum hava tagnarskyldu eftir reglunum í borgarligu revsilógini.