Rættarregluevni (einans høvuðslógir og galdandi lógir):
Rættarreglubólkur:
Gildisstøða:
Ár:
Felagsmál / Sermál:
Mál:
Myndugleiki:
Um rættarregluna
  • Bólkur: Løgtingslóg
  • Gildisstøða: Galdandi
  • Felagsmál/Sermál: Sermál
  • Myndugleiki: Fíggjarmálaráðið
  • Útgávudagur: 05-05-2018
Tilvísingar
Kunngerðablaðið
  • Kunngerðarblað 2018 A - Løgtingslóg 62 frá 30. apríl 2018
  • Rættarreglan soleiðis sum hon upprunaliga varð kunngjørd í Kunngerðablaðnum
Valmøguleikar
Tín lógalisti

30. apríl 2018Nr. 62

Løgtingslóg um broyting í løgtingslóg um meirvirðisgjald (Meirvirðisgjaldslógin)

Samsvarandi samtykt Løgtingsins staðfestir og kunnger løgmaður hesa løgtingslóg:

§ 1

Í løgtingslóg nr. 136 frá 8. september 1992 um meirvirðisgjald (Meirvirðisgjaldslógin), sum seinast broytt við løgtingslóg nr. 92 frá 6. juni 2017, verða gjørdar hesar broytingar:

 

1.    Í § 3, stk. 2 verður “og serstøk lutaíbúðarfeløg, sbr. kap. 3 í løgtingslóg um lutaíbúðarfeløg” strikað.

 

2.    Í § 12, stk. 1 verða sum litra q og r sett:

“q) Pengaseðlar og myntir.

r)   Frímerkir.”

 

3.    § 20, stk. 1 verður orðað soleiðis:

“Skrásett virkir skulu seinast 1 mánað og 10 dagar aftaná endan av 1. 3. og 4. avgjaldstíðarskeiði boða TAKS frá støddini á útgangandi og inngangandi avgjaldinum í tíðarskeiðnum og støddina av søluni, sbrt § 12, stk. 1-4 og 6, ið ikki skal roknast við í avgjaldsskyldugu søluna. Freistin fyri 2. avgjaldstíðarskeið er 24. august. Upphæddirnar skulu tilskilast í heilum krónum. Har e-mvg ikki verður nýtt, skal uppgerðin skrivast á serligt oyðublað og vera undirskrivað av ábyrgdarleiðsluni á virkinum. Sama oyðublað skal nýtast, tá avgjaldið verður inngoldið. Landsstýrismaðurin ásetir reglur um, hvørjar upplýsingar skulu vera tilskilaðar á avrokningarskjalið í sambandi við avrokning av avgjaldinum.”

 

4.    § 26 verður orðað soleiðis:

§ 26. Gjaldkomið meirvirðisgjald, rentur, sektir og gjøld kunnu innheintast við panting ella við afturhaldi í A-inntøku skuldarans.

Stk. 2. TAKS fremur pantingina ella lønareftirhaldið eftir reglunum í skattalógini.”

 

5.    Í § 27, stk. 4 verður “5 GT” broytt til: “20 GT”.

 

6.    Í § 28, stk. 1 verður “20.000 kr.” broytt til: “30.000 kr.”

 

7.    § 35 verður orðað soleiðis:

§ 35. Upplýsingar eftir hesi løgtingslóg skulu fráboðast umvegis talgildu sjálvgreiðslurnar hjá TAKS ella við gs-lykli.

Stk. 2. Í tann mun, at vinnurekandi letur upplýsingarnar á annan hátt, verður gjald álagt. Gjaldið verður ásett, soleiðis at heilfulnaður fæst fyri langtíðarkostnaðin av virkseminum.

Stk. 3. Gjaldið eftir stk. 2 fellur til TAKS.”

 

8.    § 36 b, stk. 1 verður orðað soleiðis:

“Meirvirðisgjaldsútreiðslurnar hjá sjálvbodnum bjargingarfeløgum, har øll arbeiðsmegin er ólønt, kunnu eftir umsókn verða endurgoldnar. Tað er ein treyt, at bjargingarbátarnir ikki verða brúktir til vinnuligt virksemi.”

§ 2

Henda løgtingslógin kemur í gildi dagin eftir, at hon er kunngjørd.

 

 

Í Tinganesi, 30. apríl 2018

 

Aksel V. Johannesen (sign.)

løgmaður

Lm. nr. 116/2017