9. mars 2016Nr. 15
Kunngerð um avgjald til Tryggingareftirlitið fyri eftiransan av løgtingslóg um P/F Lív lívs- og pensiónstryggingarfelag
Við heimild í § 18, stk. 2 í løgtingslóg nr. 53 frá 12. mai 2015 um P/F Lív lívs- og pensiónstryggingarfelag, verður ásett:
Avgjald
§ 1. P/F Lív lívs- og pensiónstryggingarfelag rindar í avgjaldi árliga 5,5% av játtan Tryggingareftirlitsins, frádrigið sølu av vørum og tænastuveitingum saman við rentuinntøkum, sbrt. § 207 í løgtingslóg um tryggingarvirksemi.
Stk. 2. Útreiðslur hjá Tryggingareftirlitinum til uttanhýsis hjálp, sbrt. § 17, stk. 2 í løgtingslógini, verða rindaðar av P/F Lív Lívs- og pensiónstryggingarfelag.
Stk. 3. Ársavgjaldið, sbr. stk. 2 og 3, verður kravt inn í januar fyri undanfarna árið.
Gildiskoma
§ 2. Henda kunngerð kemur í gildi dagin eftir, at hon er kunngjørd.
Uttanríkis- og vinnumálaráðið, 9. mars 2016
Poul Michelsen (sign.)
landsstýrismaður
/ Pól E. Egholm (sign.)