Rættarregluevni (einans høvuðslógir og galdandi lógir):
Rættarreglubólkur:
Gildisstøða:
Ár:
Felagsmál / Sermál:
Mál:
Myndugleiki:
Um rættarregluna
  • Bólkur: Kunngerð
  • Gildisstøða: Galdandi
  • Felagsmál/Sermál: Sermál
  • Myndugleiki: Fiskimálaráðið
  • Útgávudagur: 21-11-1986
Tilvísingar
Valmøguleikar
Tín lógalisti

Kunngerð nr. 120 frá 21. november 1986 um serliga fuglaveiðu.

Vísandi til § 16, 2. stk. og § 21 í løgtingslóg nr. 27 frá 9. september 1954 um fuglaveiðu v.m. við seinni broytingum hevur landsstýrið fyrisett:

§ 1. Heimild landsstýrisins eftir § 21 í løgtingslógini um í vitskapligum ella almennnyttugum endamáli at geva ávís tíðarfreistað undantaksloyvi frá reglunum í §§ 17 og 18 sbr. § 19 verður løgd til Føroya Náttúrugripasavn.

 2. stk. Heimild landsstýrisins eftir § 16, 2. stk. at veita undantaksloyvi til at draga lunda verður eisini løgd til Føroya Náttúrugripasavn.

§ 2. Gongur avgerðin hjá náttúrugripasavninum umsøkjaranum ímóti, kann hann skjóta málið inn fyri landsstýrið innan 4 vikur eftir, at avgerðin er komin umsøkjaranum í hendi.

 2. stk. Málið verður at stíla til landsstýrið, men sent náttúrugripasavninum, sum sendir landsstýrinum málið við ummæli og tilfarinum, sum nýtt er í málinum.

§ 3. Kunngerðin kemur í gildi dagin eftir kunngerð.