14. februar 2017Nr. 10
Kunngerð um broyting í kunngerð um kommunala barna- og ungdómstannrøkt
(Broytt aldursmark)
§ 1
Í kunngerð nr. 53 frá 24. apríl 1998 um kommunala barna- og ungdómstannrøkt, verða gjørdar hesar broytingar:
1. Inngangurin verður orðaður soleiðis:
“Við heimild í § 2, stk. 2, § 3, stk. 2 og § 4 í løgtingslóg nr. 23 frá 6. mars 1998 um barna- og ungdómstannrøkt, sum broytt við løgtingslóg nr. 39 frá 6. mai 2014, verður ásett:”
2. Í § 1, stk. 1, § 2, 1. pkt. og § 3, stk. 1 verður “16 ár” broytt til: “18 ár”.
3. § 1, stk. 2 verður orðað soleiðis:
“Stk. 2. Børn og ung undir 18 ár hava rætt til tilboð um ókeypis fyribyrgjandi og viðgerandi tannrøkt eftir tørvi, tó minst eina ferð um árið.”
§ 2
Henda kunngerð kemur í gildi dagin eftir, at hon er kunngjørd.
Heilsu- og innlendismálaráðið, 14. februar 2017
Sirið Stenberg (sign.)
landsstýrismaður
/ Turid Arge (sign.)